ಸವಿತಾ ಸಮಾಜವನ್ನು ಪರಿಶಿಷ್ಟ ಜಾತಿಗೆ ಸೇರಿಸಲು ಆಗ್ರಹ

ಲಕ್ಷ್ಮೇಶ್ವರ: ಸವಿತಾ ಸಮಾಜವನ್ನು ಪರಿಶಿಷ್ಟ ಜಾತಿಗೆ ಸೇರಿಸಬೇಕು ಎಂದು ಆಗ್ರಹಿಸಿ ಮಂಗಳವಾರ ಹಡಪದ ಅಪ್ಪಣ್ಣ ಮತ್ತು ಸವಿತಾ ಸಮಾಜ ಸಂಘದ ಸದಸ್ಯರು ಉಪತಹಶೀಲ್ದಾರ್‌ ಮಂಜುನಾಥ ದಾಸಪ್ಪನವರ ಅವರಿಗೆ ಮನವಿ ಸಲ್ಲಿಸಿದರು.

‘ಹಡಪದ ಮತ್ತು ಸವಿತಾ ಸಮಾಜದವರನ್ನು ಅಮಾನವೀಯವಾಗಿ ನಡೆಸಿಕೊಳ್ಳಲಾಗುತ್ತಿದೆ. ಜಾತಿ ಆಧಾರದ ಮೇಲೆ ಮನೆ ಮತ್ತು ಅಂಗಡಿ ಬಾಡಿಗೆ ನೀಡಲು ನಿರಾಕರಿಸುವವರ ವಿರುದ್ಧ ಕಠಿಣ ಕ್ರಮಕೈಗೊಳ್ಳಬೇಕು’ ಎಂದು ಒತ್ತಾಯಿಸಿದರು.

ಅಂಬರೀಷ ತೆಂಬದಮನಿ, ವಿನೋದ ನಾವಿ, ಮುತ್ತಣ್ಣ ನಾವಿ, ಶಂಕರ ನಾವಿ, ರಮೇಶ ನಾವಿ, ಸುರೇಶ ಚೌಧರಿ, ಹನಮಂತ ನಾವಿ, ಶಾಂತಪ್ಪ ಹಡಪದ, ಈರಣ್ಣ ನಾವಿ, ಜಗದೀಶ ನಾವಿ, ಲಕ್ಷ್ಮಣ ನಾವಿ ಇದ್ದರು.