ಪಾಕಿಸ್ತಾನ ಪರ ಫೇಸ್ಬುಕ್ ಸ್ಟೇಟಸ್; ಇಬ್ಬರು ಯುವಕರ ಬಂಧನ
Published 3 ಮಾರ್ಚ್ 2019, 14:55 IST
ಪಾಕಿಸ್ತಾನ ಪರ ಫೇಸ್ಬುಕ್ ಸ್ಟೇಟಸ್ ಹಾಕಿದ ಯುವಕರನ್ನು ಬಂಧಿಸುವಂತೆ ಒತ್ತಾಯಿಸಿ ಶನಿವಾರ ತಡರಾತ್ರಿ ಸ್ಥಳೀಯರು ಮುಳಗುಂದ ಠಾಣೆ ಎದುರು ಪ್ರತಿಭಟನೆ ನಡೆಸಿದರು
ಮುಳಗುಂದ: ‘ಐ ಸ್ಟ್ಯಾಂಡ್ ವಿತ್ ಪಾಕಿಸ್ತಾನ್ ಆರ್ಮಿ’ ಎಂದು ಫೇಸ್‌ಬುಕ್‌ನಲ್ಲಿ ಸ್ಟೇಟಸ್ ಹಾಕಿದ ಪಟ್ಟಣದ ಇಬ್ಬರು ಯುವಕರ ವಿರುದ್ಧ ಪ್ರಕರಣ ದಾಖಲಾಗಿದ್ದು, ಇಬ್ಬರನ್ನೂ ಪೊಲೀಸರು ಬಂಧಿಸಿದ್ದಾರೆ.
ಶನಿವಾರ ತಡರಾತ್ರಿ ಈ ಘಟನೆ ನಡೆದಿದೆ.ಪಟ್ಟಣದ ಖಾದರ್‌ ಭಾಷಾ ಅಬ್ದುಲ್‌ಸಾಬ ಕಲ್ಕುಟ್ರ(32) ಹಾಗೂ ಸಮೀರ್ ಸಯೀದ ಬಡೆ ಎಂಬ ಯುವಕರು ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಈ ಸ್ಟೇಟಸ್ ಹಾಕಿದ್ದರು.ಇದನ್ನು ತಿಳಿಯುತ್ತಿದ್ದಂತೆ, ಸ್ಥಳೀಯ ಕೆಲವು ಯುವಕರು ಪೊಲೀಸ್ ಠಾಣೆ ಮುಂದೆ ಜಮಾಯಿಸಿ, ಪ್ರತಿಭಟನೆ ನಡೆಸಿದರು. ಯುವಕರನ್ನು ವಶಕ್ಕೆ ಪಡೆದು, ಗಡಿಪಾರು ಮಾಡುವಂತೆ ಆಗ್ರಹಿಸಿದರು.
ಶನಿವಾರ ರಾತ್ರಿ ಖಾರ್‌ಬಾಷಾ ಕಲ್ಕುಟ್ರ ಮತ್ತು ಭಾನುವಾರ ಸಮೀರ್‌ನನ್ನು ಬಂಧಿಸಲಾಗಿದೆ. ಮುಳಗುಂದ ಪೊಲೀಸ್ ಠಾಣೆಯಲ್ಲಿ ಈ ಯುವಕರ ವಿರುದ್ಧ ಐಪಿಸಿ 124ಎ, 153ಎ, 153ಬಿ ಸೆಕ್ಷನ್‌ಗಳಡಿ ಪ್ರಕರಣ ದಾಖಲಾಗಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.