ಮುಳಗುಂದ | ಜಿಟಿಜಿಟಿ ಮಳೆ, ಕೃಷಿ ಕೆಲಸ ಸ್ಥಗಿತ

ಮುಳಗುಂದ: ಪಟ್ಟಣ ಸೇರಿದಂತೆ ಸೊರಟೂರ, ಯಲಿಶಿರೂರ, ಚಿಂಚಲಿ, ಗ್ರಾಮಗಳ ವ್ಯಾಪ್ತಿಯಲ್ಲಿ ಭಾನುವಾರ ದಿನವಿಡೀ ಜಿಟಿಜಿಟಿ ಮಳೆ ಆಗಿದ್ದು, ಪರಿಣಾಮ ಕೃಷಿ ಕಾರ್ಯಗಳು ಸ್ಥಗಿತಗೊಂಡಿದೆ.

ಕಳೆದ 15 ದಿನಗಳಿಂದ ಮೋಡ ಕವಿದ ವಾತಾವರಣ ಇತ್ತು, ಅಷ್ಟಾಗಿ ಮಳೆ ಆಗಿರಲಿಲ್ಲ. ಭಾನುವಾರ ಬೆಳಗಿನಿಂದ ಸಂಜೆವರೆಗೂ ಜಿಟಿಜಿಟಿಯಾಗಿ ಉತ್ತಮ ಮಳೆ ಆಗಿದೆ. ಹೆಸರು, ಶೇಂಗಾ, ಹತ್ತಿ ಬೆಳೆಗೆ ಪೂರಕವಾಗದೆ.

ದಿನವಿಡೀ ಮಳೆ ಇದ್ದ ಪರಿಣಾಮ ಕೃಷಿ ಕೆಲಸಕ್ಕೆ ತೆರಳಿದ್ದ ಕಾರ್ಮಿಕರು, ರೈತರು ಮನೆಗೆ ಮರಳಿದರು. ಪ್ರಮುಖ ಮಾರುಕಟ್ಟೆ ಸ್ಥಳಗಳಲ್ಲಿ ಸಾರ್ವಜನಿಕ ಸಂಚಾರ ವಿರಳವಾಗಿತ್ತು. ಬಸ್ ನಿಲ್ದಾಣದಲ್ಲಿ ಪ್ರಯಾಣಿಕರ ಸಂಖ್ಯೆ ಕಡಿಮೆ ಕಂಡುಬಂದಿತು. ಚರಂಡಿಗಳು ತುಂಬಿ ಹರಿದವು.