ಗೊಜನೂರಲ್ಲಿ ಕಾಮಣ್ಣನ ಮೆರವಣಿಗೆ

ಲಕ್ಷ್ಮೇಶ್ವರ: ತಾಲ್ಲೂಕಿನ ಗೊಜನೂರು ಗ್ರಾಮದಲ್ಲಿ ಹೋಳಿ ಹುಣ್ಣಿಮೆ ಮರುದಿನ ಅಂದರೆ ಮಂಗಳವಾರ ರಂಗಪಂಚಮಿ ನಿಮಿತ್ತ ರತಿ-ಕಾಮಣ್ಣರ ಮೂರ್ತಿ ಮೆರವಣಿಗೆ ಅದ್ದೂರಿಯಾಗಿ ಜರುಗಿತು.

ಗ್ರಾಮದ ಸೊರಟೂರು ಓಣಿ, ಶಿವನಗೌಡರ ಓಣಿ ಮತ್ತು ಬಸವಣ್ಣ ದೇವರ ದೇವಸ್ಥಾನ ಓಣಿಯ ನಿವಾಸಿಗಳು ಮೆರವಣಿಗೆಯನ್ನು ಸಂಘಟಿಸಿದ್ದರು.

ಬಂಡಿಯಲ್ಲಿ ಮೂರ್ತಿಗಳನ್ನು ಪ್ರತಿಷ್ಠಾಪಿಸಿ ಹಲಗಿ ಸದ್ದಿನೊಂದಿಗೆ ನಡೆದ ಮೆರವಣಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿತು.

ನಂತರ ನಡೆದ ರಂಗಪಂಚಮಿಯಲ್ಲಿ ಮಕ್ಕಳು, ಪುರುಷರು, ಮಹಿಳೆಯರು ಪಾಲ್ಗೊಂಡು ಸಂಭ್ರಮಿಸಿದರು.