ಲಿಂ. ಗುರುಬಸವ ಸ್ವಾಮೀಜಿ ಪುಣ್ಯಸ್ಮರಣೆ ನಾಳೆ

ನರಗುಂದ: ತಾಲ್ಲೂಕಿನ ಶಿರೋಳದ ತೋಂಟದಾರ್ಯ ಮಠದ ಲಿಂ. ಗುರುಬಸವ ಸ್ವಾಮೀಜಿಯವರ ಪ್ರಥಮ ಪುಣ್ಯಸ್ಮರಣೆ ಅ. 31ರಂದು ಶಿರೋಳದ ತೋಂಟದಾರ್ಯ ಮಠದಲ್ಲಿ ಬೆಳಿಗ್ಗೆ 10ಕ್ಕೆ ನಡೆಯಲಿದೆ.

ಗದುಗಿನ ತೋಂಟದ ಸಿದ್ಧರಾಮ ಶ್ರೀ ಸಾನ್ನಿಧ್ಯ ವಹಿಸುವರು. ಶಾಂತಲಿಂಗ ಸ್ವಾಮೀಜಿ, ಮಾತೆ ಅಕ್ಕಮಹಾದೇವಿ ಶರಣಮ್ಮ, ಅಭಿನವ ಯಚ್ಚರಸ್ವಾಮೀಜಿ, ವೀರಯ್ಯನವರು ಹಿರೇಮಠ ಸಮ್ಮುಖ ವಹಿಸುವರು. ಬಾಗಲಕೋಟೆ ಸಂಸದ ಪಿ.ಸಿ. ಗದ್ದಿಗೌಡ್ರ, ಶಾಸಕ ಸಿ.ಸಿ. ಪಾಟೀಲ, ಚಿಂಚಣಿಯ ಗಡಿಕನ್ನಡ ಬಳಗದ ಅಧ್ಯಕ್ಷ ಭರತ ಕುಂಬಾರ ಪಾಲ್ಗೊಳ್ಳುವರು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.