ಅರಕಲಗೂಡು; ದ್ವಿತೀಯ ಪಿಯು ಪರೀಕ್ಷೆಗೆ 40 ವಿದ್ಯಾರ್ಥಿಗಳು ಗೈರು

ಅರಕಲಗೂಡು: ಪಟ್ಟಣದ ಮೂರು ಪರೀಕ್ಷಾ ಕೇಂದ್ರಗಳಲ್ಲಿ ಶುಕ್ರವಾರ ದ್ವಿತೀಯ ಪಿಯು ಮೊದಲ ದಿನದ ಪರೀಕ್ಷೆ ಸುಗಮವಾಗಿ ನಡೆದಿದ್ದು, 40 ವಿದ್ಯಾರ್ಥಿಗಳು ಪರೀಕ್ಷೆಗೆ ಗೈರು ಹಾಜರಾಗಿದ್ದರು.

ಬಾಲಕರ ಸರ್ಕಾರಿ ಪದವಿ ಪೂರ್ವ ಕಾಲೇಜು ಪರೀಕ್ಷಾ ಕೇಂದ್ರದಲ್ಲಿ 464 ವಿದ್ಯಾರ್ಥಿಗಳಿಗೆ 452 ಮಂದಿ ಪರೀಕ್ಷೆಗೆ ಹಾಜರಾಗಿದ್ದು 12 ಜನ ವಿದ್ಯಾರ್ಥಿಗಳು ಗೈರಾಗಿದ್ದರು. ಬಾಲಕಿಯರ ಸರ್ಕಾರಿ ಪದವಿ ಪೂರ್ವ ಕಾಲೇಜು ಪರೀಕ್ಷಾ ಕೇಂದ್ರದಲ್ಲಿ 482ಕ್ಕೆ 476 ಜನ ಹಾಜರಾಗಿದ್ದು 6 ಮಂದಿ ಗೈರಾದರೆ, ಬಿಜಿಎಸ್ ಪದವಿ ಪೂರ್ವ ಕಾಲೇಜು ಪರೀಕ್ಷಾ ಕೇಂದ್ರದಲ್ಲಿ 595 ವಿದ್ಯಾರ್ಥಿಗಳಲ್ಲಿ 573 ಮಂದಿ ಹಾಜರಿದ್ದು 22 ಮಂದಿ ಗೈರಾಗಿದ್ದರು ಎಂದು ಪರೀಕ್ಷಾ ಕೇಂದ್ರಗಳ ಮುಖ್ಯ ಅಧೀಕ್ಷಕರಾದ ಗಾಯಿತ್ರಿ, ಪದ್ಮ ಹಾಗೂ ಅನಸೂಯ ತಿಳಿಸಿದರು.