ಹಳೇಬೀಡು | ಮಳೆ ನಲುಗಿದ ಬೀನ್ಸ್‌: ₹2 ಲಕ್ಷ ನಷ್ಟ

ಹಳೇಬೀಡು: ಮಳೆಯ ಅರ್ಭಟಕ್ಕೆ ಹಳೇಬೀಡು ಹೋಬಳಿಯ ಕೊಂಡ್ಲಿ ಗೊಲ್ಲರಟ್ಟಿಯ ಜೋಗಿಹಳ್ಳಿ ದಾಖಲೆಯಲ್ಲಿ ತಮ್ಮಣ್ಣಗೌಡ ಅವರ ಬೀನ್ಸ್ ಬೆಳೆ ಹಾಳಾಗಿದೆ.

ಒಂದು ಎಕರೆಯಲ್ಲಿ ಬೆಳೆದಿದ್ದ ಬೆಳೆ ನಾಶವಾಗಿರುವುದರಿಂದ ರೈತರಿಗೆ ₹2 ಲಕ್ಷ ನಷ್ಟವಾಗಿದೆ.

‘ಈಗ ಬಿನ್ಸ್ ಬೆಲೆ ಗಗನಕ್ಕೇರಿದೆ. ಕೆಜಿ ಒಂದಕ್ಕೆ ₹120ರಂತೆ ವರ್ತಕರು ರೈತರಿಂದ ಬಿನ್ಸ್ ಖರೀದಿಸುತ್ತಿದ್ದಾರೆ. ಇರುವ ಒಂದು ಎಕರೆಯಲ್ಲಿ ಬೆಳೆ ನಾಶವಾಗಿರುವುದರಿಂದ ದಿಕ್ಕು ತೋಚದಂತಾಗಿದೆ. ಈವರೆಗೂ ಹೆಚ್ಚಿನ ಆದಾಯ ಪಡೆಯಲು ಸಾಧ್ಯವಾಗಿಲ್ಲ. ಬಾರಿ ಬೆಲೆ ಬಂದಿರುವುದರಿಂದ ಆರ್ಥಿಕವಾಗಿ ಚೇತರಿಸಿಕೊಳ್ಳುವ ನಿರೀಕ್ಷೆ ಇಟ್ಟಿದ್ದೆ. ಕೊಯ್ಲು ಸಂದರ್ಭ ಮಳೆ ಬಂದು ಬೆಳೆ ಹಾಳಾಗಿದ್ದರಿಂದ ಕೈಯಿಗೆ ಬಂದ ತುತ್ತು ಬಾಯಿಗೆ ಇಲ್ಲ ಎಂಬಂತಾಗಿದೆ’ ಎಂದು ತಮ್ಮಣ್ಣಗೌಡ ಅಳಲು ತೋಡಿಕೊಂಡರು.