ರಟ್ಟೀಹಳ್ಳಿ | ಗಾಯಗೊಂಡಿದ್ದ ರೈತ ಸಾವು

ರಟ್ಟೀಹಳ್ಳಿ: ತಾಲ್ಲೂಕಿನ ಬುಳ್ಳಾಪೂರ ಗ್ರಾಮದ ಮನೆಯಲ್ಲಿ ಅಡುಗೆ ಅನಿಲದ ಬೆಂಕಿಯಿಂದ ಜೂನ್‌ 18ರಂದು ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿ ಗಾಯಗೊಂಡಿದ್ದ ರೈತ ರಾಮಪ್ಪ ಹಾಲಪ್ಪ ಎಳೆಹೊಳೆ (55) ಚಿಕಿತ್ಸೆಗೆ ಸ್ಪಂದಿಸದೆ ಶನಿವಾರ ಮೃತಪಟ್ಟಿದ್ದಾರೆ.

ಬೆಂಕಿಯಿಂದಾಗಿ ಸುಟ್ಟ ಗಾಯಗಳಾಗಿದ್ದ ಅವರನ್ನು ಹುಬ್ಬಳ್ಳಿಯ ಕಿಮ್ಸ್‌ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಲಾಗಿತ್ತು.

ಮೃತ ರೈತ ಕುಡುಪಲಿ ಕೆವಿ.ಜಿ. ಬ್ಯಾಂಕಿನಲ್ಲಿ ಬೆಳೆ ಸಾಲ ಅಂತಾ ₹3 ಲಕ್ಷ, ಕೈಗಡ ಸಾಲ ₹7 ಲಕ್ಷ ಪಡೆದಿದ್ದರು. ಕಳೆದ ಎರಡು ವರ್ಷಗಳಿಂದ ಬೆಳೆ ಸರಿಯಾಗಿ ಬಾರದೆ ಸಾಲವನ್ನು ಹೇಗೆ ತೀರಿಸಬೇಕು ಎನ್ನುವ ಚಿಂತೆಯಲ್ಲಿ ಮುಳುಗಿದ್ದರು ಎಂದು ಮೃತ ರೈತನ ಪತ್ನಿ ರಟ್ಟೀಹಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.