ಶಿಗ್ಗಾವಿ | ರೌಡಿಶೀಟ್‌ನಲ್ಲಿ ಕೈ ಅಭ್ಯರ್ಥಿ ಹೆಸರು; ಸ್ಪಷ್ಟಪಡಿಸಲು ಜೋಶಿ ಪಟ್ಟು

ಹಾವೇರಿ: 'ಶಿಗ್ಗಾವಿ ವಿಧಾನಸಭಾ ಕ್ಷೇತ್ರದ ಉಪಚುನಾವಣೆಯ ಕಾಂಗ್ರೆಸ್ ಅಭ್ಯರ್ಥಿಯ ಹೆಸರು ರೌಡಿ ಪಟ್ಟಿಯಲ್ಲಿರುವ ಮಾಹಿತಿ ಇದೆ. ಪೊಲೀಸ್ ಅಧಿಕಾರಿಗಳು ಈ ಮಾಹಿತಿಯನ್ನು ಸ್ಪಷ್ಪಪಡಿಸಬೇಕು' ಎಂದು ಕೇಂದ್ರ ಸಚಿವ ಪ್ರಲ್ಹಾದ್ ಜೋಶಿ ಹೇಳಿದರು.

ಶಿಗ್ಗಾವಿಯಲ್ಲಿ ಸೋಮವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, 'ರೌಡಿಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಹೆಸರು ಇರುವ‌ ಬಗ್ಗೆ ಪೊಲೀಸ್ ಎಸ್ಪಿ ಅವರೇ ಹೇಳಿದ್ದಾರೆ' ಎಂದರು.

'ಕಳೆದ ಬಾರಿಯ ಅಫಿಡ್‌ವಿಟ್‌ನಲ್ಲಿ ಅಪರಾಧ ಪ್ರಕರಣಗಳ‌ ಮಾಹಿತಿ ಇತ್ತು. ಈ ಬಾರಿ ಅಫಿಡ್‌ವಿಟ್‌ನಲ್ಲಿ ಯಾವುದೇ ಮಾಹಿತಿ‌ ನೀಡಿಲ್ಲ. ಏಕೆ? ಅವರ ಮೇಲೆ ಯಾವುದೇ ಪ್ರಕರಣ ಇಲ್ಲವೇ? ಅಧಿಕಾರಿಗಳು ಹಾಗೂ ಪೊಲೀಸ್ ಅಧಿಕಾರಿಗಳು ಸ್ಪಷ್ಟಪಡಿಸಲಿ' ಎಂದು ಹೇಳಿದರು.