ಅಥ್ಲೆಟಿಕ್‌ ಕ್ರೀಡಾಕೂಟಕ್ಕೆ ಆಹ್ವಾನ

ಕಲಬುರಗಿ: ಜಿಲ್ಲಾ ಅಥ್ಲೆಟಿಕ್‌ ಅಸೋಸಿಯೇಷನ್‌ ಹಾಗೂ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಸಹಯೋಗದಲ್ಲಿ ಮೂರನೇ ಅಂತರರಾಷ್ಟ್ರೀಯ ಭಲ್ಲೆ ಎಸೆತ ದಿನದ ಅಂಗವಾಗಿ ಬಾಲಕ, ಬಾಲಕಿಯರಿಗಾಗಿ ಆಯ್ಕೆ ಪ್ರಕ್ರಿಯೆ ಅಥ್ಲೆಟಿಕ್‌ ಕ್ರೀಡಾಕೂಟವನ್ನು ಜು.28ರಂದು ನಗರದ ಚಂದ್ರಶೇಖರ ಪಾಟೀಲ ಕ್ರೀಡಾಂಗಣದಲ್ಲಿ ಹಮ್ಮಿಕೊಳ್ಳಲಾಗಿದೆ.

10, 12, 14, 16 ವರ್ಷದೊಳಗಿನವರಿಗಾಗಿ ಕ್ರಮವಾಗಿ 60, 80, 100 ಮತ್ತು 600 ಮೀಟರ್‌ ಓಟದ ಸ್ಪರ್ಧೆಗಳನ್ನು ಆಯೋಜಿಸಲಾಗಿದೆ. ಆಸಕ್ತ ಕ್ರೀಡಾಪಟುಗಳು ಜು.26ರೊಳಗಾಗಿ ತರಬೇತುದಾರ ಸಂತೋಷ ಭಾವಿಮನೆ (ಮೊ:98808 88390) ಅವರ ಹತ್ತಿರ ₹100 ಪ್ರವೇಶ ಶುಲ್ಕದೊಂದಿಗೆ ಹೆಸರು ನೋಂದಾಯಿಸಬೇಕು ಎಂದು ಜಿಲ್ಲಾ ಅಥ್ಲೆಟಿಕ್‌ ಅಸೋಸಿಯೇಷನ್‌ ಕಾರ್ಯದರ್ಶಿ ಧನರಾಜ ಭಾಸ್ಗಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.