ಅಫಜಲಪುರ | ಪಾನ್‌ಶಾಪ್‌ನಲ್ಲಿ ಕಳವು

ಅಫಜಲಪುರ: ತಾಲ್ಲೂಕಿನ ಮಾಶಾಳ ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಒಳಪಡುವ ರಾಮನಗರದಲ್ಲಿ ಶಿವಾನಂದ ಕಾಶಿರಾಯ ಬೊರುಟಿ ಎಂಬುವವರಿಗೆ ಸೇರಿದ ಪಾನ್ ಶಾಪ್‌ನಲ್ಲಿನ ₹ 7 ಸಾವಿರ ನಗದು ಹಾಗೂ ವಸ್ತುಗಳನ್ನು ಭಾನುವಾರ ಕಳ್ಳರು ದೋಚಿಕೊಂಡು ಪರಾರಿಯಾಗಿದ್ದಾರೆ ಎಂದು ತಿಳಿದುಬಂದಿದೆ.

ರಾತ್ರಿ ಎರಡು ಗಂಟೆಗೆ ಪಾನ್ ಶಾಪ್‌ ಶೆಟರ್‌ ಬೀಗ ಒಡೆದು ಅದರಲ್ಲಿರುವ ನೋಟು, ಸಿಗರೇಟ್ ಪ್ಯಾಕೆಟ್ ಮತ್ತು ಗುಟ್ಕಾ ಪ್ಯಾಕೆಟ್, ನೀರಿನ ಬಾಟಲಿಗಳು ದೋಚಿಕೊಂಡು ಹೋಗಿದ್ದಾರೆ. ಈ ಕುರಿತು ಅಫಜಲಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.