ಕೂಲಿ ಕೆಲಸಕ್ಕೆ ಹೋಗಿದ್ದ ಇಬ್ಬರು ಮಹಿಳೆಯರ ಕೊಲೆ

ಕಲಬುರಗಿ: ತಾಲ್ಲೂಕಿನ ತಾವರಗೇರಾ ಕ್ರಾಸ್ ಸಮೀಪ ಭಾನುವಾರ ಕೂಲಿ ಕೆಲಸಕ್ಕೆ ಹೋಗಿದ್ದ ಇಬ್ಬರು ಮಹಿಳೆಯರನ್ನು ಕೊಲೆ ಮಾಡಿದ ಘಟನೆ ನಡೆದಿದೆ.

ಕೆ.ಕೆ. ನಗರದ ನಿವಾಸಿ ಶರಣಮ್ಮ (51) ಹಾಗೂ ತಾಜ್‌ಸುಲ್ತಾನ್‌ಪುರ ನಿವಾಸಿ ಚಂದಮ್ಮ (53) ಕೊಲೆಯಾದವರು. ನಗರದ ಗಂಜ್‌ ಪ್ರದೇಶದಿಂದ ಬಸ್‌ನಲ್ಲಿ ಕೆಲಸಕ್ಕಾಗಿ ಹೋಗಿದ್ದರು. ತಾವರಗೇರಾ ಕ್ರಾಸ್ ಸಮೀಪ ಇಬ್ಬರನ್ನು ದುಷ್ಕರ್ಮಿಗಳು ಕೊಲೆ ಮಾಡಿದ್ದಾರೆ. ತಲೆ, ಮುಖದ ಮೇಲೆ ಗಾಯಗಳಾಗಿದ್ದು, ಕೊಲೆಗೆ ನಿಖರವಾದ ಕಾರಣ ತಿಳಿದುಬಂದಿಲ್ಲ.

ಸಬ್‌ಅರ್ಬನ್‌ ಠಾಣೆಯ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ, ಪರಿಶೀಲನೆ ನಡೆಸುತ್ತಿದ್ದಾರೆ. ತನಿಖೆ ಪ್ರಗತಿಯಲ್ಲಿದೆ