ಗುಡ್ಡೆಹೊಸೂರು: ಮನೆ ಗೇಟಿಗೆ ಸಿಲುಕಿ ಜಿಂಕೆ ಸಾವು

ಕುಶಾಲನಗರ: ಸಮೀಪದ ಗುಡ್ಡೆಹೊಸೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬೊಳ್ಳೂರಿನಲ್ಲಿ ಬುಧವಾರ ಬೆಳಿಗ್ಗೆ ಮನೆಯ ಗೇಟಿಗೆ ಜಿಂಕೆಯೊಂದು ಸಿಲುಕಿಕೊಂಡು ಮೃತಪಟ್ಟಿದೆ.

ಗ್ರಾಮದ ಚಲುವ ಎಂಬುವರ ಗೇಟ್‌ನಲ್ಲಿ ನುಗ್ಗಲು ಹೋಗಿ ಜಿಂಕೆಯ ತಲೆ ಸಿಲುಕಿಕೊಂಡು ಒದ್ದಾಡಿ ಮೃತಪಟ್ಟಿದೆ. ಅತ್ತೂರು ಮೀಸಲು ಅರಣ್ಯ ಪ್ರದೇಶದಿಂದ ಆಹಾರ ಅರಸಿ ಬಂದಿದೆ.

ಸ್ಥಳಕ್ಕೆ ಉಪ ವಲಯ ಅರಣ್ಯಾಧಿಕಾರಿ ದೇವಯ್ಯ ಹಾಗೂ ಸಿಬ್ಬಂದಿ ಭೇಟಿ ನೀಡಿ ಪರಿಶೀಲಿಸಿದರು.