ಕುಶಾಲನಗರ: ಮಗುವಿಗೆ ನರೇಂದ್ರ ಮೋದಿ ಹೆಸರಿಟ್ಟ ಅಭಿಮಾನಿ

ಕುಶಾಲನಗರ (ಕೊಡಗು ಜಿಲ್ಲೆ): ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಜನ್ಮದಿನವಾದ ಮಂಗಳವಾರ ‌ಜನಿಸಿದ ತಮ್ಮ ಮಗುವಿಗೆ, ತಾಲ್ಲೂಕಿನ ಸುಂದರನಗರದ ನಿವಾಸಿ ಮಹೇಂದ್ರ–ಜಯಲಕ್ಷ್ಮಿ ದಂಪತಿ ಮಂಗಳವಾರ ಅವರ ಹೆಸರನ್ನೇ ಇಟ್ಟರು. ಬಿಜೆಪಿ ಕಾರ್ಯಕರ್ತರೂ ಆಗಿರುವ ಮಹೇಂದ್ರ ಮೋದಿಯವರ ಅಭಿಮಾನಿ. ಹೀಗಾಗಿ ಮಗುವಿಗೆ ಅವರ ಹೆಸರನ್ನಿಟ್ಟರು.

ಆಸ್ಪತ್ರೆಗೆ ಭೇಟಿ ನೀಡಿದ ಮಾಜಿ ಶಾಸಕ ಕೆ.ಜಿ.ಬೋಪಯ್ಯ ಅವರು ಚಿನ್ನದ ಉಂಗುರವನ್ನು ಮಗುವಿಗೆ ಉಡುಗೊರೆಯಾಗಿ ನೀಡಿದರು. ಪಕ್ಷದ ಜಿಲ್ಲಾ ಘಟಕದ ಅಧ್ಯಕ್ಷ ರವಿಕಾಳಪ್ಪ, ವಕ್ತಾರ ಮಹೇಶ್ ಜೈನಿ ಭಾಗವಹಿಸಿದ್ದರು.