ಖಾಸಗಿ ಫೋಟೋ ಹರಿಬಿಟ್ಟ ಯುವಕನ ಬಂಧನ

ಸಿದ್ದಾಪುರ: ಪ್ರೇಯಸಿಯ ಖಾಸಗಿ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟ ಯುವಕನನ್ನು ವರ್ಷಗಳ ಬಳಿಕ ಬಂಧಿಸುವಲ್ಲಿ ಸಿದ್ದಾಪುರ ಪೊಲೀಸರು ಯಶಸ್ವಿಯಾಗಿದ್ದಾರೆ.

ನೆಲ್ಯಹುದಿಕೇರಿ ನಿವಾಸಿ ಅಫ್ರೀದ್ (21) ಎಂಬಾತ ಅದೇ ಗ್ರಾಮದ ಯುವತಿಯನ್ನು ಆರು ವರ್ಷಗಳಿಂದ ಪ್ರೀತಿಸುತ್ತಿದ್ದು, ಬಳಿಕ ಇಬ್ಬರ ಪ್ರೀತಿ ಮುರಿದುಬಿತ್ತು ಎನ್ನಲಾಗಿದೆ. ಬಳಿಕ ಅಫ್ರೀದಿ ವಿದೇಶಕ್ಕೆ ತೆರಳಿದ್ದು, ಬಳಿಕ ವಾಟ್ಸಪ್ ಮೂಲಕ ಯುವತಿಯ ಖಾಸಗಿ ಫೋಟೋಗಳನ್ನು ಹರಿಬಿಟ್ಟಿದ್ದಾನೆ.

ಈ ಬಗ್ಗೆ 2023ರ ಡಿ.21ರಂದು ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಜೂ.4 ರಂದು ಅಫ್ರಿದಿಯನ್ನು ಮುಂಬೈ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಪೊಲೀಸರು ಬಂಧಿಸಿ, ಮುಂದಿನ ಕ್ರಮ ಕೈಗೊಂಡಿದ್ದಾರೆ.