ಗೋಣಿಕೊಪ್ಪಲು | ಅಂಬಟ್ಟಿ ಮಖಾಂ ಉರೂಸ್‌ಗೆ ಚಾಲನೆ

ಗೋಣಿಕೊಪ್ಪಲು: ಶೇಕ್ ವಲಿಯುಲ್ಲಾಹಿ ಅವರ ಐದು ದಿನಗಳ ಅಂಬಟ್ಟಿ ಮಖಾಂ ಉರುಸ್‌ಗೆ ಶುಕ್ರವಾರ ಚಾಲನೆ ದೊರೆಯಿತು.  ಫೆ.20ವರೆಗೆ ನಡೆಯಲಿದೆ.

ಮಖಾಂ ಆವರಣದಲ್ಲಿ ಅಂಬಟ್ಟಿ ಜಮಾತಿನ ಅಧ್ಯಕ್ಷ ಎ.ಎಚ್. ಶಾದುಲಿ ಅಧ್ಯಕ್ಷತೆ ವಹಿಸಿ ಬೆಳಿಗ್ಗೆ 9 ಗಂಟೆಗೆ ಧ್ವಜಾರೋಹಣ ನೆರವೇರಿಸಿ ಚಾಲನೆ ನೀಡಿದರು. ಜುಮ್ಮಾ ಮಸೀದಿಯ ಖತೀಬ ರಫೀಕ್ ಸಅದಿ ನೇತೃತ್ವದಲ್ಲಿ ಸಾಮೂಹಿಕ ಪ್ರಾರ್ಥನೆ ನಡೆಯಿತು.

 ಉಪಾಧ್ಯಕ್ಷ ಎಂ.ಕೆ.ಹ್ಯಾರಿಸ್, ಕೋಶಾಧಿಕಾರಿ ಖಾಲಿದ್ ಫೈಜಿ, ಆಯೋಜಕ ಸಮಿತಿ ಅಧ್ಯಕ್ಷ ಎಚ್.ತೌಸೀಫ್, ಕಾರ್ಯದರ್ಶಿ ಜುಬೇರ್ ಅಹಮದ್, ಪ್ರಮುಖರಾದ ಕೆ.ಎ.ಯುಸೂಫ್,  ಎಂ.ಕೆ.ಮುಸ್ತಫ, ಪದಾಧಿಕಾರಿಗಳಾದ ಪಿ. ಎ. ಖಾಲಿದ್, ರಜಾಕ್, ಹುಸೇನಾರ್, ಸುಹೀರ್, ಸದರ್ ಉಸ್ತಾದ್ ಅಶ್ರಫ್ ಹಳ್ರಮಿ ಭಾಗವಹಿಸಿದ್ದರು.

 ವಿದ್ಯುತ್ ದೀಪ ಹಾಗೂ ಹೂಹಾರಗಳ ಅಲಂಕೃತ ಮಖಾಂನಲ್ಲಿ ಸಂದಲ್ ಕಾರ್ಯಕ್ರಮ ಸಂಜೆ ವಿಜೃಂಭಣೆಯಿಂದ ಜರುಗಿತು.