ಶಿಲುಬೆ ಬೆಟ್ಟದಲ್ಲಿ ‘ಶುಭ ಶುಕ್ರವಾರ’ ಆಚರಣೆ

ಶನಿವಾರಸಂತೆ: ಇಲ್ಲಿನ ಗೋಪಾಲಪುರ ಚರ್ಚ್‌ನಲ್ಲಿ ‘ಗುಡ್ ಫ್ರೈಡೆ’ಯನ್ನು ಶ್ರದ್ಧಾಭಕ್ತಿಯಿಂದ ಶುಕ್ರವಾರ ಆಚರಿಸಲಾಯಿತು.

ಸಂತ ಅಂತೋಣಿ ಚರ್ಚ್‌ನ ಧರ್ಮಗುರು ಫಾದರ್ ಜಾಕಪ್ ಕೊಳನೂರು ಅವರು ಶಿಲುಬೆ ಬೆಟ್ಟದಲ್ಲಿ ಪ್ರಾರ್ಥನೆಯನ್ನು ನೆರವೇರಿಸಿದರು.

ಬೆಟ್ಟದಲ್ಲಿರುವ 14 ಶಿಲುಬೆಯ ಆರಾಧನೆ ಮತ್ತು ಪ್ರಾರ್ಥನೆಯನ್ನು ಶಿಲುಬೆ ಬೆಟ್ಟದಲ್ಲಿ ಮುಗಿಸಿ ಗೋಪಾಲಪುರ ಚರ್ಚ್‌ನಲ್ಲಿ ಪ್ರಾರ್ಥನೆಯ ವಿಧಿ ವಿಧಾನಗಳನ್ನು ನಡೆಸಲಾಯಿತು.

ಈ ವೇಳೆ ಫಾದರ್ ಜಾಕಪ್ ಕೊಳನೂರು ಅವರು ಧಾರ್ಮಿಕ ಸಂದೇಶ ನೀಡಿದರು.