ಕೊಡಗು: ವಿರಾಜಪೇಟೆ ಪಟ್ಟಣದ ಅಂಗಡಿಗೆ ಬೆಂಕಿ

ಮಡಿಕೇರಿ: ಸಮೀಪದ ವಿರಾಜಪೇಟೆ ಪಟ್ಟಣದ ಬಣ್ಣದ ಅಂಗಡಿಯೊಂದರಲ್ಲಿ ಸೋಮವಾರ ನಸುಕಿನಲ್ಲಿ ಆಕಸ್ಮಿಕ ಬೆಂಕಿ ಕಾಣಿಸಿಕೊಂಡು, ಬಣ್ಣ ಹಾಗೂ ಇತರೆ ಪರಿಕರಗಳು ಭಸ್ಮವಾಗಿವೆ.

ಗೋಣಿಕೊಪ್ಪಲು ರಸ್ತೆಯ 'ನಂದಿ ಬಣ್ಣದ ಅಂಗಡಿ'ಯಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ನಂತರ, ಅಗ್ನಿಶಾಮಕ ಪಡೆ ಸ್ಥಳಕ್ಕೆ ಬಂದು ಬೆಂಕಿ ಅಕ್ಕಪಕ್ಕದ ಅಂಗಡಿಗಳಿಗೆ ಹರಡುವುದನ್ನು ತಪ್ಪಿಸಿದ್ದಾರೆ. ಘಟನೆಯಿಂದ ಸ್ಥಳದಲ್ಲಿ ಆತಂಕದ ಪರಿಸ್ಥಿತಿ ಉಂಟಾಗಿತ್ತು