ನಕ್ಸಲ್ ನಾಯಕನ ಹತ್ಯೆ: ಕೊಡಗಿನ ಗಡಿಗಳಲ್ಲಿ ಹದ್ದಿನ ಕಣ್ಣು

ಮಡಿಕೇರಿ: ಪೊಲೀಸರ ಗುಂಡಿಗೆ ನಕ್ಸಲ್ ನಾಯಕ ವಿಕ್ರಂಗೌಡ ಬಲಿಯಾದ ನಂತರ ಕೊಡಗಿನ ಗಡಿಗಳಲ್ಲಿ ಪೊಲೀಸರು ಕಟ್ಟೆಚ್ಚರ ವಹಿಸಿದ್ದಾರೆ.

ವಿಕ್ರಂಗೌಡ ಅವರ ಜೊತೆಯಲ್ಲಿದ್ದ ನಕ್ಸಲರು ಕಾಡಿನೊಳಗೆ ಪರಾರಿಯಾಗಿರುವುದರಿಂದ ಅವರು ಕಾಡಿನ ಹಾದಿಯ ಮೂಲಕ ಕೊಡಗಿನತ್ತ ಬರಬಹುದೇ ಎಂಬ ಶಂಕೆಯಲ್ಲಿ ಪೊಲೀಸರು ಭದ್ರತೆಯನ್ನು ಬಿಗಿಗೊಳಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಕೊಡಗಿನಲ್ಲಿ ನಕ್ಸಲರ ತಂಡದ ಸುಳಿವು ಸದ್ಯಕ್ಕೆ ಲಭ್ಯವಾಗಿಲ್ಲ. ಹಾಗಿದ್ದರೂ, ಹೆಚ್ಚಿನ ನಿಗಾ ವಹಿಸಲಾಗಿದೆ ಎಂದು ಹೇಳಿವೆ.