ಬಿಳಿಗೇರಿಯಲ್ಲಿ ಪರದೇವರ ಗುಡಿ ಪುನರ್‌ ಪ್ರತಿಷ್ಠೆ

ಮಡಿಕೇರಿ: ಇಲ್ಲಿನ ಬಿಳಿಗೇರಿ ಗ್ರಾಮದಲ್ಲಿ ಶುಕ್ರವಾರ ಪರದೇವರ ಗುಡಿಯ ಪ್ರನರ್ ಪ್ರತಿಷ್ಠಾ ಕಾರ್ಯಕ್ರಮ ಶ್ರದ್ಧಾ, ಭಕ್ತಿಯಿಂದ ನೆರವೇರಿತು.

ಗುರುವಾರದಿಂದಲೇ ವಿವಿಧ ಪೂಜಾ ಕಾರ್ಯಕ್ರಮಗಳು ಇಲ್ಲಿ ಆರಂಭವಾಗಿದ್ದವು. ಶುಕ್ರವಾರ 6 ತೆಂಗಿನಕಾಯಿ ಗಣಪತಿ ಹೋಮ, ಸಪ್ತಶತಿ ಪಾರಾಯಣ, ನವಕ ಕಳಸ ಪ್ರತಿಷ್ಠೆ, ಕಳಸ ಪೂಜೆಗಳು ನಡೆದ ನಂತರ ಧನುರ್ ಲಗ್ನದಲ್ಲಿ ಪರದೇವರ ಮೊಗ ಹಾಗೂ ಆಯುಧಗಳ ಪ್ರತಿಷ್ಠೆ ನಡೆಯಿತು. ಜತೆಗೆ, ದುರ್ಗಾ ಹೋಮ, ಕಳಸಾಭಿಷೇಕ, ಮಹಾಪೂಜೆಗಳು ನಡೆದು, ಪ್ರಸಾದ ವಿತರಣೆ, ಅನ್ನಸಂತರ್ಪಣೆ ನಡೆಯಿತು. ನೂರಾರು ಮಂದಿ ಈ ಉತ್ಸವದಲ್ಲಿ ಭಾಗಿಯಾಗಿದ್ದರು.