ಕೋಲಾರ | ಈದ್‌ ಮೆರವಣಿಗೆಯಲ್ಲಿ ‘ಫ್ರೀ ಪ್ಯಾಲೆಸ್ಟೀನ್‌’ ಬ್ಯಾನರ್‌
ಕೋಲಾರ: ನಗರದಲ್ಲಿ ಸೋಮವಾರ ಈದ್‌ ಮಿಲಾದ್‌ ಮೆರವಣಿಯಲ್ಲಿ ‘ಫ್ರೀ ಪ್ಯಾಲೆಸ್ಟೀನ್‌’ ಘೋಷಣೆ ಇದ್ದ ಕಪ್ಪು ಬ್ಯಾನರ್‌ ಕಂಡುಬಂತು. ಕೂಡಲೇ ನಗರ ಠಾಣೆ ಪೊಲೀಸರು ಅದನ್ನು ತೆರವುಗೊಳಿಸಿದರು.
ನಗರದ ಎಂ.ಜಿ.ರಸ್ತೆಯಿಂದ ಆರಂಭವಾದ ಮೆರವಣಿಗೆ ಪ್ರಮುಖ ಬೀದಿಗಳಲ್ಲಿ ಸಾಗಿತು. ಈ ವೇಳೆ ಅಂಜುಮಾನ್‌ ಎ ಇಸ್ಲಾಮಿಯಾ ಸಂಸ್ಥೆ ಮುಂದೆ ‘ಫ್ರೀ ಪ್ಯಾಲೆಸ್ಟೀನ್‌’ ಬರಹವಿದ್ದ ಕಪ್ಪು ಬ್ಯಾನರ್‌ ಕಂಡುಬಂತು.
ಇನ್‌ಸ್ಪೆಕ್ಟರ್‌ ಸದಾನಂದ ನೇತೃತ್ವದಲ್ಲಿ ಪೊಲೀಸರು ಸ್ಥಳಕ್ಕೆ ತೆರಳಿ ಬ್ಯಾನರ್‌ ತೆರವುಗೊಳಿಸುವಂತೆ ಸೂಚಿಸಿದರು. ಮುಸ್ಲಿಂ ಸಮುದಾಯದ ಯುವಕರೇ ಅದನ್ನು ತೆಗೆದು ಹಾಕಿದರು.
ಮೆರವಣಿಗೆಯಲ್ಲಿ ಭಾಗವಹಿಸಿದ್ದ ಸಾವಿರಾರು ಮಂದಿ ವಕ್ಫ್ ತಿದ್ದುಪಡೆ ಮಸೂದೆ ಜಾರಿಗೆ ಮುಂದಾಗಿರುವ ಕೇಂದ್ರ ಸರ್ಕಾರದ ನಿಲುವನ್ನು ವಿರೋಧಿಸಿದರು. ಕೂಡಲೇ ನಿರ್ಧಾರ ಕೈಬಿಡಬೇಕೆಂದು ಆಗ್ರಹಿಸಿ ಬ್ಯಾನರ್‌ ಪ್ರದರ್ಶಿಸಿದರು. ಬಿಗಿ ಬಂದೋಬಸ್ತ್ ಕಲ್ಪಿಸಲಾಗಿತ್ತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.