ಕರಡಿ ದಾಳಿ: ರೈತನಿಗೆ ಗಾಯ

ಕನಕಗಿರಿ: ಕೃಷಿ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡಿದ್ದ ಸಮಯದಲ್ಲಿ ಕರಡಿ ದಾಳಿ ಮಾಡಿದ ಘಟನೆ‌ ತಾಲ್ಲೂಕಿನ ಪರಾಪುರ ಗ್ರಾಮದಲ್ಲಿ ಬುಧವಾರ ನಡೆದಿದೆ.

ಗ್ರಾಮದ ಶಂಕ್ರಪ್ಪ ಕುರಿ ಗಾಯಗೊಂಡವರು ಎಂದು ತಿಳಿದು ಬಂದಿದೆ. ತಲೆ, ಕೈ, ಮೈ, ಕಾಲುಗಳಿಗೆ ಗಾಯವಾಗಿದೆ.

ಗ್ರಾಮದ‌ ರಸ್ತೆಯಲ್ಲಿ ಹೊಲವಿದ್ದು ಅಲ್ಲಿಯೇ ಇದ್ದ ಯುವಕರು ಕೂಗಾಡಿದ್ದರಿಂದ ಕರಡಿ‌ ಓಡಿ‌ ಹೋಗಿದೆ. ತೀವ್ರವಾಗಿ ಗಾಯಗೊಂಡಿರುವ ಶಂಕ್ರಪ್ಪ ಅವರನ್ನು ಕೊಪ್ಪಳ ಜಿಲ್ಲಾಸ್ಪತ್ರೆಯಲ್ಲಿ‌ ದಾಖಲಿಸಲಾಗಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ.