'ಪರಿಸರ ಜಾಗೃತಿ ಮೂಡಿಸುವುದು ಬಹುಮುಖ್ಯ’

ಕೊಪ್ಪಳ: ಇಲ್ಲಿನ ಜಿಲ್ಲಾಸ್ಪತ್ರೆ ಆವರಣದಲ್ಲಿರುವ ಸಖಿ ಒನ್‌ ಸ್ಟಾಪ್‌ ಕೇಂದ್ರದಲ್ಲಿ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಮತ್ತು ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ಮಮತೆಯ ತೊಟ್ಟಿಲಿನ ಯೋಜನೆ ಮತ್ತು ವಿಶ್ವ ಪರಿಸರ ದಿನ ಆಚರಿಸಲಾಯಿತು. 

ವಿಶ್ವ ಪರಿಸರ ದಿನಾಚರಣೆಯನ್ನು ಜಿಲ್ಲಾ ಆಸತ್ರೆಯಲ್ಲಿನ ಸಖಿ ಘಟಕದ ಮುಂದೆ ಗಿಡ ನೆಡುವುದರ ಮೂಲಕ ಚಾಲನೆ "ಕೊಟ್ಟು ಮಾತಾಡಿದರು.

ಅತಿಥಿಯಾಗಿ ಬಂದಿದ್ದ ಅನ್ನಪೂರ್ಣ ಮಾತನಾಡಿ ‘ಪರಿಸರವನ್ನು ರಕ್ಷಿಸುವ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವ ಉದ್ದೇಶದಿಂದಾಗಿ ಪರಿಸರ ದಿನ ಆಚರಿಸಲಾಗುತ್ತದೆ’ ಎಂದರು.

ಇನ್ನರ್‌ ವೀಲ್‌ ಕ್ಲಬ್‌ನ ಶಾರದಾ ಪಾನಘಂಟಿ ಮಾತನಾಡಿ ‘ಮಮತೆಯ ತೊಟ್ಟಿಲು ಯೋಜನೆಯು ನಿರ್ಗತಿಕ ತಂದೆ ತಾಯಿ ಪ್ರೀತಿ ವಂಚಿತ ಮಕ್ಕಳ ಬದುಕಿಗೆ ಸಹಾಯವಾಗುತ್ತದೆ. ತೊಟ್ಟಿಲನ್ನು ನೋಡಿ ತಮ್ಮ ಮಗುವನ್ನು ಕುರಿತು ವಿಚಾರಣೆ ಮಾಡುವಂತ ಕಾರ್ಯ ಕೂಡ ಸಖಿ ಘಟಕದಲ್ಲಿ ನಡೆಯುತ್ತಿದೆ’ ಎಂದರು.

ಕ್ಲಬ್‌ನ ಇನ್ನೊಬ್ಬ ಪ್ರಮುಖರಾದ ಸುವರ್ಣ ಘಂಟಿ ಮಾತನಾಡಿ ‘ಮಮತೆಯ ತೊಟ್ಟಿಲು ಯೋಜನೆ ಮಕ್ಕಳಿಲ್ಲದ ತಂದೆ ತಾಯಿಗಳಿಗೆ ಇಲಾಖೆಯ ಮೂಲಕ ಇಲ್ಲಿ ರಕ್ಷಿಸಲಾದ ಮಕ್ಕಳನ್ನು ದತ್ತು ಪ್ರಕ್ರಿಯೆಗೆ ಒಳಪಡಿಸಲಾಗುತ್ತದೆ’ ಎಂದರು.

ಸಖಿ ಘಟಕದ ಆಡಳಿತಾಧಿಕಾರಿ ಯಮುನಾ ಬೆಸ್ತರು, ಸಂಯೋಜಕಿ ಫಾತಿಮಾ, ಸುಜಾತ, ಇನ್ನರ್ ವೀಲ್ ಕ್ಲಬ್‌ನ ಶಾಂತಾ ಗೌರಿಮಠ್, ನಿರ್ಮಲಾ ಪಾಟೀಲ ಸೇರಿದಂತೆ ಅನೇಕರು ಪಾಲ್ಗೊಂಡಿದ್ದರು.

Highlights - null