ಕೊಪ್ಪಳ: ಒಂದೇ ದಿನ 9 ಸೆಂಟಿ ಮೀಟರ್‌ ಮಳೆ; ಹಲವು ಮನೆಗಳಿಗೆ ನಿಗ್ಗಿದ ನೀರು

ಕೊಪ್ಪಳ: ಜಿಲ್ಲೆಯಲ್ಲಿ ಬುಧವಾರ ಸುರಿದ ಮಳೆಯಿಂದಾಗಿ ಹಲವು ಕಡೆ ಮನೆಗಳಿಗೆ ನೀರು ನುಗ್ಗಿದ್ದು ಆಹಾರ ಸಾಮಗ್ರಿಗಳು ನೀರು ಪಾಲಾಗಿವೆ. ಕಾರಟಗಿ ವ್ಯಾಪ‍್ತಿಯಲ್ಲಿ ಒಂದೇ ದಿನದಲ್ಲಿ ಒಂಬತ್ತು ಸೆಂ.ಮೀ. ಮಳೆಯಾಗಿದೆ.

ಕೊಪ್ಪಳ ನಗರದಲ್ಲಿ 8.62 ಸೆಂ.ಮೀ., ಕನಕಗಿರಿ ತಾಲ್ಲೂಕು ನವಲಿ ಹೋಬಳಿ ವ್ಯಾಪ್ತಿಯಲ್ಲಿ 5 ಸೆಂ.ಮೀ., ಕುಷ್ಟಗಿ 5.92 ಸೆಂ.ಮೀ. ಹಾಗೂ ತಾವರಗೇರಾದಲ್ಲಿ 3.40 ಸೆಂ.ಮೀ., ಮಳೆಯಾಗಿದೆ. ರಾಜಕಾಲುವೆಗಳ ಒತ್ತುವರಿ ಮತ್ತು ಚರಂಡಿಯಲ್ಲಿ ತುಂಬಿಕೊಂಡಿದ್ದ ತ್ಯಾಜ್ಯ ಮಳೆಯಿಂದಾಗಿ ರಸ್ತೆಯ ಮೇಲೆ ಹರಿದಾಡಿದ್ದು, ಇದೇ ನೀರಿನಲ್ಲಿಯೂ ಜನ ಓಡಾಡುವಂತಾಯಿತು. ಗುರುವಾರವೂ ಮೋಡಕವಿದ ವಾತಾವರಣವಿದೆ.