ಮುನಿರಾಬಾದ್ | ಹುಲಿಗಿ: ₹81.39 ಲಕ್ಷ ಕಾಣಿಕೆ ಸಂಗ್ರಹ

ಮುನಿರಾಬಾದ್: ಹುಲಿಗಿಯ ಧಾರ್ಮಿಕ ದತ್ತಿ ಇಲಾಖೆಯ ಹುಲಿಗೆಮ್ಮದೇವಿ ದೇವಸ್ಥಾನದ ಹುಂಡಿಯಲ್ಲಿ ₹81.39 ಲಕ್ಷ ನಗದು, 250 ಗ್ರಾಂ. ಕಚ್ಚಾ ಚಿನ್ನ ಮತ್ತು 10 ಕೆ.ಜಿ ಕಚ್ಚಾ ಬೆಳ್ಳಿ ಸಂಗ್ರಹವಾಗಿದೆ.

ಬುಧವಾರ ಹುಂಡಿಯನ್ನು ತೆರೆದು ಎಣಿಕೆ ಮಾಡಲಾಗಿದ್ದು, 35 ದಿನಗಳ ಸಂಗ್ರಹ ಇದಾಗಿದೆ. ಇದು ಕಳೆದ ಬಾರಿಗಿಂತ ಹೆಚ್ಚಾಗಿದೆ.

ಕಚ್ಚಾ ಚಿನ್ನ ಹುಂಡಿಗೆ ಹಾಕುವವರ ಸಂಖ್ಯೆಯೂ ಜಾಸ್ತಿಯಾಗಿದೆ. ಕಳೆದ ಬಾರಿ 90 ಗ್ರಾಂ ಕಚ್ಚಾ ಚಿನ್ನ, 5.50 ಕೆ.ಜಿ ಕಚ್ಚಾ ಬೆಳ್ಳಿ ಸಂಗ್ರಹವಾಗಿತ್ತು.