ಕೊಪ್ಪಳ: ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮ ಕೊಪ್ಪಳ ವಿಭಾಗದ ವತಿಯಿಂದ 2024ನೇ ಸಾಲಿನ ರಿಯಾಯತಿ ದರದ ಅಂಗವಿಕಲರ ಬಸ್ಪಾಸ್ ನವೀಕರಣ ಮಾಡಿಕೊಳ್ಳಲು ಜ. 1ರಿಂದ ಫೆ. 29ರ ವರೆಗೆ ಅವಕಾಶ ಕಲ್ಪಿಸಲಾಗಿದೆ.
ಫಲಾನುಭವಿಗಳು 2023ರ ಬಸ್ಪಾಸ್ ಮತ್ತು ಅಂಗವಿಕಲರ ಗುರುತಿನ ಚೀಟಿಯನ್ನು ಪಡೆದಿರುವ ಇಲಾಖೆಯಿಂದ ದೃಢೀಕರಣ ಪಡೆದು ₹ 660 ನಗದು ರೂಪದಲ್ಲಿ ಕೊಪ್ಪಳ, ಕುಷ್ಟಗಿ, ಯಲಬುರ್ಗಾ, ಗಂಗಾವತಿ ಮತ್ತು ಕುಕನೂರ ಬಸ್ ನಿಲ್ದಾಣಗಳಲ್ಲಿರುವ ನಿಗಮದ ಪಾಸ್ ಕೌಂಟರ್ಗಳಲ್ಲಿ ಪಾವತಿಸಿ ಪಾಸ್ ನವೀಕರಣ ಮಾಡಿಕೊಳ್ಳಬಹುದು.
ಹಾಲಿ ಪಾಸ್ ಬಳಸಿಕೊಂಡು ಫೆ. 29ರ ತನಕ ಪ್ರಯಾಣಿಸಲು ಅನುಮತಿ ನೀಡಲಾಗಿದೆ ಎಂದು ಕೊಪ್ಪಳ ವಿಭಾಗೀಯ ನಿಯಂತ್ರಣಾಧಿಕಾರಿ ಕಚೇರಿ ಪ್ರಕಟಣೆ ತಿಳಿಸಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.