ವೀರ ಸಾವರ್ಕರ ಜನ್ಮದಿನ ಆಚರಣೆ

ಗಂಗಾವತಿ: ನಗರದ ಮಹಾವೀರ ವೃತ್ತ ಸಮೀಪದ ವೀರ ಸಾವರ್ಕರ ಮಾರ್ಗದಲ್ಲಿ ಭಾನುವಾರ ಹಿಂದೂಪರ ಸಂಘಟನೆಗಳ ಒಕ್ಕೂಟದಿಂದ ವೀರ ಸಾವರ್ಕರ ಅವರ ಜನ್ಮದಿನ ಆಚರಿಸಲಾಯಿತು.

ಹಿಂದೂ ಪರ ಸಂಘಟನೆಗಳ ಮುಖಂಡ ಮಂಜುನಾಥ ಕಟ್ಟಿಮನಿ ಮಾತನಾಡಿ, ದೇಶದಲ್ಲಿ ಬ್ರಿಟಿಷರ ಆಳ್ವಿಕೆ ವೇಳೆ ಸಾಕಷ್ಟು ಸ್ವಾತಂತ್ರ್ಯ ಹೋರಾಟಗಾರರು ಜೀವ ಕಳೆದುಕೊಂಡಿದ್ದು, ಅದರಲ್ಲಿ ವೀರ ಸಾವರ್ಕರ ಸಹ ಒಬ್ಬರು ಎಂದು ಹೇಳಿದರು.

ನಂತರ ವೀರ ಸಾವರ್ಕರ್ ಅವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಜನ್ಮದಿನ ಆಚರಣೆ ಮಾಡಲಾಯಿತು.

ಪ್ರಮುಖರಾದ ಸಿದ್ದು ಮುದ್ದೇಬಿಹಾಳ, ಮಂಜುನಾಥ ಹಿರೇಮಠ, ಆನಂದ್ ಕೋಟೆ, ಚಂದ್ರು ನಾಯಕ, ಚನ್ನಬಸಪ್ಪ ಕೆಂಗೇರಿ, ಗಿರೀಶ್ ನಾಯಕ, ಸರ್ವಜ್ಞ ಮೂರ್ತಿ, ಶ್ರವಣ ಕುಮಾರ ರಾಯ್ಕರ ಇದ್ದರು.