ಕೊಪ್ಪಳ| ನಗರಸಭೆಯ ಚುನಾವಣೆ ವೇಳೆ ವಿಪ್‌ ಉಲ್ಲಂಘನೆ: ಅನರ್ಹಗೊಳಿಸಲು ಬಿಜೆಪಿ ದೂರು

ಕೊಪ್ಪಳ: ಇಲ್ಲಿನ ನಗರಸಭೆಯ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷರ ಚುನಾವಣೆ ವೇಳೆ ಪಕ್ಷ ಜಾರಿ ಮಾಡಿದ್ದ ವಿಪ್‌ ಉಲ್ಲಂಘಿಸಿದ ತನ್ನ ಮೂವರು ಸದಸ್ಯರನ್ನು ಅನರ್ಹಗೊಳಿಸಬೇಕು ಎಂದು ಬಿಜೆಪಿ ಬುಧವಾರ ಪೌರಾಯುಕ್ತ ಗಣಪತಿ ಪಾಟೀಲ ಅವರಿಗೆ ಮನವಿ ಸಲ್ಲಿಸಿದೆ. 

ಪಕ್ಷದ ಜಿಲ್ಲಾಧ್ಯಕ್ಷ ನವೀನಕುಮಾರ್‌ ಗುಳಗಣ್ಣನವರ ಪೌರೌಯುಕ್ತರಿಗೆ ಅರ್ಜಿ ಸಲ್ಲಿಸಿ ‘ಕರ್ನಾಟಕ ಸ್ಥಳೀಯ ಪ್ರಾಧಿಕಾರಗಳ (ಪಕ್ಷಾಂತರ ನಿಷೇಧ) ಅಧಿನಿಯಮ 2012ರ ಅಡಿ ವಿಪ್‌ ಉಲ್ಲಂಘಿಸಿದ ಅಶ್ವಿನಿ ಬಿ. ಗದಗಿನಮಠ, ಬಸಮ್ಮ ದಿವಟೂರು ಹಾಗೂ ಅನ್ನಪೂರ್ಣಮ್ಮ ಬಳಗೇರಿ ಅವರನ್ನು ಅನರ್ಹರನ್ನಾಗಿ ಮಾಡಬೇಕು ಎಂದು ಕೋರಿದರು.

ವಿಧಾನಪರಿಷತ್‌ ಸದಸ್ಯೆ ಹೇಮಲತಾ ನಾಯಕ, ಪ್ರಮುಖರಾದ ಡಾ. ಬಸವರಾಜ ಕ್ಯಾವಟರ್‌, ರಾಘವೇಂದ್ರ ಪಾನಘಂಟಿ, ರಾಜು ಬಾಕಳೆ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರಮೇಶ್ ನಾಡಿಗೇರ, ಸುನಿಲ್ ಹೆಸರೂರ್, ರಮೇಶ ಕವಲೂರು, ಗಣೇಶ ಹೊರತಟ್ನಾಳ, ಮಹಾಲಕ್ಷ್ಮಿ ಕಂದಾರಿ, ಮಹೇಶ ಅಂಗಡಿ, ಅಮಿತ್ ಕಂಪ್ಲಿಕರ್, ವಿ.ಎಂ. ಭೂಸನೂರ ಮಠ, ಸಿಂಗ್ರಿ ವಕೀಲರು ಹಾಜರಿದ್ದರು.