ಸಂಧಿವಾತ: ಜಾಗೃತಿಗೆ ವಾಕಾಥಾನ್‌

ಕೊಪ್ಪಳ: ಸಂಧಿವಾತಕ್ಕೆ ಒಳಗಾಗಿ ಗುಣಮುಖರಾದವರಿಂದ ಇಲ್ಲಿನ ಕೆ.ಎಸ್‌. ಆಸ್ಪತ್ರೆ ವತಿಯಿಂದ ಶುಕ್ರವಾರ ನಗರದಲ್ಲಿ ವಾಕಥಾನ್‌ ನಡೆಯಿತು.

ಕೇಂದ್ರ ಬಸ್ ನಿಲ್ದಾಣದಿಂದ ಆರಂಭವಾದ ನಡಿಗೆ ಅಶೋಕ್ ಸರ್ಕಲ್, ಬಸವೇಶ್ವರ ಸರ್ಕಲ್ ಮೂಲಕ ಆಸ್ಪತ್ರೆ ತನಕ ಜರುಗಿತು. ಸಂಧಿವಾತದಿಂದ ಗುಣಮುಖವಾದ ವೀರಯ್ಯಸ್ವಾಮಿ ಗಂಗಾವತಿ ಬಾವುಟ ತೋರಿಸುವ ಮೂಲಕ ನಡಿಗೆಗೆ ಚಾಲನೆ ನೀಡಿದರು.

ಎಂಎಸ್‌ಪಿಎಲ್‌ ಬಲ್ಡೋಡ ಕಂಪನಿಯ ವೀರೇಶ, ಉದ್ಯಮಿ ಪ್ರಭು ಹೆಬ್ಬಾಳ್, ವಕೀಲ ಭೂಸನೂರುಮಠ, ನರರೋಗ ತಜ್ಞ ಡಾ. ಕೃಷ್ಣಮೂರ್ತಿ, ಡಾ. ಶಿವನಗೌಡ ಪಾಟೀಲ್, ಆಸ್ಪತ್ರೆ ಮುಖ್ಯಸ್ಥ ಡಾ. ಬಸವರಾಜ ಕ್ಯಾವಟರ್‌  ಸೇರಿದಂತೆ ಅನೇಕರು ಪಾಲ್ಗೊಂಡಿದ್ದರು.