ಮಂಡ್ಯ: ಕಾರಿನಲ್ಲಿದ್ದ ದಂಪತಿಗಳಿಗೆ ಚಾಕು ತೋರಿಸಿ ಕಳ್ಳತನ

ಮಂಡ್ಯ: ಕಾರಿನಲ್ಲಿದ್ದವರಿಗೆ ಚಾಕುವಿನಿಂದ ಬೆದರಿಸಿದ ದುಷ್ಕರ್ಮಿಗಳು 16 ಗ್ರಾಂ ತೂಕದ ಚಿನ್ನದ ಸರ, ಮೊಬೈಲ್ ಫೋನ್, ಉಮಾ ಗೋಲ್ಡ್ ಸರ ಹಾಗೂ ₹100 ದೋಚಿರುವ ಘಟನೆ ಹಳೇಬೂದನೂರು ಗ್ರಾಮದ ಹೆದ್ದಾರಿಯ ಬಳಿ ಭಾನುವಾರ ನಸುಕಿನಲ್ಲಿ ನಡೆದಿದೆ.

ತುಮಕೂರಿನ ರೋಹಿತ, ಆತನ ಸಹೋದರ ಹಾಗೂ ಕುಟುಂಬದವರು ಸೇರಿ ಒಟ್ಟು 7 ಮಂದಿ ಮೈಸೂರು ದಸರಾ ಮುಗಿಸಿಕೊಂಡು ಊರಿಗೆ ವಾಪಸ್ ಹೋಗುತ್ತಿದ್ದಾಗ ವಿಶ್ರಾಂತಿ ಪಡೆಯಲು ಸರ್ವೀಸ್‌ ರಸ್ತೆಯಲ್ಲಿ ವಾಹನ ನಿಲ್ಲಿಸಿದ್ದಾರೆ. ಈ ಸಂದರ್ಭದಲ್ಲಿ ಅಲ್ಲಿಗೆ ಬಂದ ದುಷ್ಕರ್ಮಿಗಳು ಬೆದರಿಸಿ ದೋಚಿದ್ದಾರೆ.

ಮಂಡ್ಯ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.