ಮದ್ದೂರು ಪೇಟೆ ಬೀದಿ ವಿಸ್ತರಣೆ: ಶಾಸಕ, ಡಿಸಿ ಪರಿಶೀಲನೆ

ಮದ್ದೂರು: ಪಟ್ಟಣದ ಪೇಟೆಬೀದಿ ವಿಸ್ತರಣೆ ಹಿನ್ನೆಲೆಯಲ್ಲಿ ಶಾಸಕ ಕೆ.ಎಂ. ಉದಯ್‌ ಹಾಗೂ ಜಿಲ್ಲಾಧಿಕಾರಿ ಕುಮಾರ ಸೋಮವಾರ ಪರಿಶೀಲನೆ ನಡೆಸಿ, ಚರ್ಚಿಸಿದರು.

‘ಬೀದಿಯು ಕಿರಿದಾಗಿರುವುದರಿಂದ ವಿಸ್ತರಣೆಗೆ ಯೋಜಿಸಲಾಗಿದೆ. ಇದಕ್ಕಾಗಿ ಪರಿಶೀಲನೆ ನಡೆಸಿ ಕ್ರಮ ಕೈಗೊಳ್ಳಲು  ಪೌರಾಡಳಿತ ಸಚಿವಾಲಯದಿಂದ ಪತ್ರ ಬಂದಿರುವುದರಿಂದ ಭೇಟಿ ನೀಡಿದ್ದೇನೆ. ಲೋಕೋ‍ಪಯೋಗಿ ಇಲಾಖೆಯಿಂದ ಅಳತೆ ಮಾಡಲಾಗಿದೆ. ಮಂಗಳವಾರ ಸಂಜೆ 5ಕ್ಕೆ ಅಧಿಕಾರಿಗಳ ಸಭೆಯನ್ನು ಮಂಡ್ಯದಲ್ಲಿ ಕರೆಯಲಾಗಿದ್ದು, ಮುಂದೆ ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆ ಚರ್ಚೆಯಾಗಲಿದೆ’ ಎಂದರು.

ಉಪ ವಿಭಾಗಾಧಿಕಾರಿ ಶಿವಮೂರ್ತಿ, ಪುರಸಭೆ ಮುಖ್ಯಾಧಿಕಾರಿ ಮೀನಾಕ್ಷಿ, ಸದಸ್ಯರು ಹಾಗೂ ಮುಖಂಡರು ಹಾಜರಿದ್ದರು.