ಬೆಳಕವಾಡಿ | ಕಾಡಾನೆ ದಾಳಿಗೆ ಭತ್ತ ನಾಶ

ಬೆಳಕವಾಡಿ: ಹೊಸಹಳ್ಳಿ ಕ್ರಾಸ್ ಮಹದೇಶ್ವರ ದೇವಸ್ಥಾನದ ಬಳಿಯಿರುವ ಜಮೀನಿನಲ್ಲಿ ಬುಧವಾರ ರಾತ್ರಿ ಕಾಡಾನೆಗಳು ದಾಳಿ ನಡೆಸಿ ಬೆಳೆಗಳನ್ನು ನಾಶಪಡಿಸಿವೆ.

ಹೊಸಹಳ್ಳಿ ಗ್ರಾಮದ ಪಟೇಲ್ ನಾಗೇಶ್ ಅವರು ಜಮೀನಿನಲ್ಲಿ ಬೆಳೆದಿದ್ದ ಒಂದು ಎಕರೆ ಭತ್ತ, 20 ತೆಂಗಿನ ಸಸಿ, ಪಂಪ್‌ಸೆಟ್, ಪೈಪ್ ಹಾಗೂ ಪಿಂಚಿಂಗ್ ಕಲ್ಲುಗಳನ್ನು ಕಾಡಾನೆಗಳು ನಾಶಪಡಿಸಿದ್ದು, ಸುಮಾರು ₹ 50 ಸಾವಿರ ನಷ್ಟವಾಗಿದೆ. ಸಂಬಂಧಪಟ್ಟ ಇಲಾಖೆ ಅಧಿಕಾರಿಗಳು ಸೂಕ್ತ ಪರಿಹಾರ ನೀಡಬೇಕು’ ಎಂದು ಜಮೀನಿನ ಮಾಲೀಕ ನಾಗೇಶ್ ಆಗ್ರಹಿಸಿದ್ದಾರೆ.