ಸಂತೇಬಾಚಹಳ್ಳಿ: ಭಾರಿ ಮಳೆಗೆ ಮೊಳಕೆ ಬಂದ ರಾಗಿ ಬೆಳೆ

ಸಂತೇಬಾಚಹಳ್ಳಿ: ಭಾರತೀಪುರ ಗ್ರಾಮದ 3 ಎಕರೆ ಹೊಲದಲ್ಲಿ ಬೆಳೆದಿದ್ದ  ರಾಗಿ ಬೆಳೆ ಜಲಾವೃತವಾಗಿ, ಮೊಳಕೆ ಬಂದಿದ್ದು ರೈತ ಈರೇಗೌಡ  ಕಂಗಾಲಾಗಿದ್ದಾರೆ.

 ಈರೇಗೌಡ ಮಾತನಾಡಿ, 94 ನೇ ಸರ್ವೇ ನಂಬರ್‌ನ ಹೊಲದಲ್ಲಿ ಬೆಳೆ ಮಾಡಿದ್ದೆವು. ಎಡೆಬಿಡದೆ ಸುರಿದ ಭಾರಿ ಮಳೆಗೆ ರಾಗಿ ಸಂಪೂರ್ಣವಾಗಿ ಮೊಳಕೆ ಬಂದಿದೆ. ಸಾಲ ಮಾಡಿ ರಾಗಿ ಬೆಳೆಗೆ ₹60 ಸಾವಿರ ಖರ್ಚು ಮಾಡಿ ಕಂಗಾಲಾಗಿದ್ದೇವೆ. ಜಿಲ್ಲಾಡಳಿತ, ಹಾಗೂ ತಾಲ್ಲೂಕು ಆಡಳಿತ ಅಧಿಕಾರಿಗಳು ಪರಿಶೀಲನೆ ನಡೆಸಿ ಪ್ರಕೃತಿ ವಿಕೋಪದಡಿಯಲ್ಲಿ ಸೂಕ್ತ ಪರಿಹಾರ ನೀಡಬೇಕು’ ಎಂದು ಮನವಿ ಮಾಡಿದ್ದಾರೆ.