ಜೆಎಸ್‌ಎಸ್‌–ಎಎಚ್‌ಇಆರ್ ಕುಲ‍ಪತಿಯಾಗಿ ಬಸವನಗೌಡಪ್ಪ ಆಯ್ಕೆ

ಮೈಸೂರು: ಇಲ್ಲಿನ ಜೆಎಸ್‌ಎಸ್ ಉನ್ನತ ಶಿಕ್ಷಣ ಹಾಗೂ ಸಂಶೋಧನಾ ಅಕಾಡೆಮಿ (ಜೆಎಸ್‌ಎಸ್–ಎಎಚ್‌ಇಆರ್) ಕುಲಪತಿಯಾಗಿ ಡಾ.ಎಚ್. ಬಸವನಗೌಡಪ್ಪ ಅಧಿಕೃತವಾಗಿ ಅಧಿಕಾರ ವಹಿಸಿಕೊಂಡಿದ್ದಾರೆ.

‘32 ವರ್ಷಗಳ ವೃತ್ತಿಜೀವನದ ಅನುಭವ ಅವರದು. ವೈದ್ಯಕೀಯ ಶಿಕ್ಷಣ ಮತ್ತು ಆರೋಗ್ಯ ಕ್ಷೇತ್ರಕ್ಕೆ ಗಮನಾರ್ಹ ಕೊಡುಗೆ ನೀಡಿದ್ದಾರೆ. ಈವರೆಗೆ ಪ್ರೊಫೆಸರ್ ಮತ್ತು ಡೀನ್, ಫ್ಯಾಕಲ್ಟಿ ಆಫ್ ಮೆಡಿಸಿನ್ ಹಾಗೂ ಜೆಎಸ್‌ಎಸ್‌ ವೈದ್ಯಕೀಯ ಕಾಲೇಜಿನ ಪ್ರಾಂಶುಪಾಲರಾಗಿ ಕಾರ್ಯನಿರ್ವಹಿಸಿದ್ದರು’ ಎಂದು ಪ್ರಕಟಣೆ ತಿಳಿಸಿದೆ.