ಎಚ್.ಡಿ.ಕೋಟೆ | ಭಾರಿ ಮಳೆ: ಮನೆಗೆ ನುಗ್ಗಿದ ನೀರು

ಎಚ್.ಡಿ.ಕೋಟೆ: ಪಟ್ಟಣದಲ್ಲಿ ಸುರಿದ ಭಾರಿ ಮಳೆಗೆ ಸ್ಟೇಡಿಯಂ ಬಡಾವಣೆ ಮತ್ತು ಎನ್‌ಜಿಒ ಬಡಾವಣೆಗಳಲ್ಲಿ ಮನೆಗೆ ನೀರು ನುಗ್ಗಿ ದಿನಸಿ ಪದಾರ್ಥಗಳು ಸೇರಿದಂತೆ ವಿವಿಧ ಸಾಮಾನು ನೀರು ಪಾಲಾಗಿವೆ.

‘ಪಟ್ಟಣ ವ್ಯಾಪ್ತಿಯಲ್ಲಿ ರಸ್ತೆ ಚರಂಡಿ ಸೇರಿದಂತೆ ಮೂಲ ಸೌಲಭ್ಯಗಳು ಇಲ್ಲದೆ ಇರುವುದ ನೀರು ಹರಿದು ಮನೆಗಳನ್ನು ಸೇರುವ ಪರಿಸ್ಥಿತಿ ಉಂಟಾಗಿದೆ’ ಎಂದು ಅಭಿನಂದನ್ ಆರೋಪಿಸಿದ್ದಾರೆ.

‘ಸಣ್ಣ ಮಳೆಯಾದರೂ ರಸ್ತೆ ಚರಂಡಿ ಇಲ್ಲದಿರುವುದರಿಂದ ಮನೆಯೊಳಗೆ ನೀರು ನುಗ್ಗುತ್ತದೆ. ಹೀಗಾಗಿ ಪುರಸಭಾ ಅಧಿಕಾರಿಗಳು ಈ ವ್ಯಾಪ್ತಿಯಲ್ಲಿ ಚರಂಡಿ ಮತ್ತು ರಸ್ತೆಯನ್ನು ಮಾಡಬೇಕು’ ಎಂದು ಒತ್ತಾಯಿಸಿದ್ದಾರೆ.