ದಸರಾ ಕ್ರೀಡಾಕೂಟ ಇಂದಿನಿಂದ

ಮೈಸೂರು: ಸಿ.ಎಂ. ಕಪ್‌ ರಾಜ್ಯಮಟ್ಟದ ದಸರಾ ಕ್ರೀಡಾಕೂಟವು ಅ.3ರಿಂದ 6ರವರೆಗೆ ನಗರದಲ್ಲಿ ನಡೆಯಲಿದೆ. ಗುರುವಾರ ಸಂಜೆ 4.30ಕ್ಕೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಕ್ರೀಡಾಕೂಟಕ್ಕೆ ಚಾಲನೆ ನೀಡಲಿದ್ದಾರೆ.

ಚಾಮುಂಡಿ ವಿಹಾರ ಕ್ರೀಡಾಂಗಣ, ಮೈಸೂರು ವಿ.ವಿ. ಸ್ಫೋರ್ಟ್ಸ್ ಪೆವಿಲಿಯನ್‌ ಸೇರಿದಂತೆ ವಿವಿಧ ಅಂಕಣಗಳಲ್ಲಿ 26 ಸ್ಪರ್ಧೆಗಳು ನಡೆಯಲಿದ್ದು, ಬೆಂಗಳೂರು ನಗರ, ಗ್ರಾಮಾಂತರ, ಬೆಳಗಾವಿ, ಮೈಸೂರು ಹಾಗೂ ಕಲಬುರಗಿ ವಿಭಾಗದಿಂದ ಅರ್ಹತೆ ಪಡೆದ 3 ಸಾವಿರ ಸ್ಪರ್ಧಿಗಳು ಕ್ರೀಡಾಕೂಟದಲ್ಲಿ ಪಾಲ್ಗೊಳ್ಳಲಿದ್ದಾರೆ.