ಸೆಸ್ಕ್ ಪರಿಹಾರದ ಚೆಕ್ ವಿತರಣೆ

ತಿ. ನರಸೀಪುರ: ವಿದ್ಯುತ್ ಸ್ಪರ್ಶಕ್ಕೀಡಾಗಿ ಮೃತ ಪಟ್ಟಿದ ತಾಲ್ಲೂಕಿನ ಕನ್ನನಾಯಕನಹಳ್ಳಿ ಗ್ರಾಮದ ರೈತ ನಿಂಗೇಗೌಡರ ಕುಟುಂಬದವರಿಗೆ ಸೆಸ್ಕ್ ನಿಂದ ₹ 5 ಲಕ್ಷದ ಚೆಕ್ ಅನ್ನು ಕಾರ್ಯಪಾಲಕ ಎಂಜಿನಿಯರ್‌ ವೀರೇಶ್ ಹಸ್ತಾಂತರಿಸಿದರು.

 ಮುಖಂಡರಾದ ಉಕ್ಕಲಗೆರೆ ಬಸವಣ್ಣ, ಕನ್ನಾಯಕನಳ್ಳಿಯ ಮುದ್ದೇಗೌಡ, ಮಹೇಶ್ ನಾಗೇಂದ್ರ, ಕೆಇಬಿ ಕುಮಾರ್, ಡಿಎಸ್ ಎಸ್ ನ ಮರಿಸ್ವಾಮಿ, ಸಚಿವರ ಆಪ್ತ ಸಹಾಯಕ ಬಸವರಾಜು ಹಾಗೂ ಸೆಸ್ಕ್ ಸಿಬ್ಬಂದಿ ಉಪಸ್ಥಿತರಿದ್ದರು.

ಗ್ರಾಮದ ಬಳಿ ಹಸು ಹಾಗೂ ಮೇಕೆಗಳನ್ನು ಮೇಯಿಸಲು ಬುಧವಾರ ತೆರಳಿದ್ದ ವೇಳೆ ಕನ್ನಾಯಕನಹಳ್ಳಿ ಗ್ರಾಮದ ನಿಂಗೇಗೌಡ ಅವರು ತುಂಡಾಗಿ ಬಿದ್ದಿದ್ದ ವಿದ್ಯುತ್ ತಂತಿ  ಸ್ಪರ್ಶಿಸಿಮೃತಪಟ್ಟರು. ಇವರ ಜತೆಯಲ್ಲಿದ್ದ ಮೇಕೆಯೂ ಮೃತಪಟ್ಟಿತ್ತು.