ತುರ್ವಿಹಾಳ: ವಿವಿಧೆಡೆ ಬಿಜೆಪಿ ಸದಸ್ಯತ್ವ ಅಭಿಯಾನ

ತುರ್ವಿಹಾಳ: ‘ವಿಶ್ವದ ಇತರ ದೇಶಗಳಲ್ಲಿರುವ ರಾಜಕೀಯ ಪಕ್ಷಗಳಿಗಿಂತ ಬಿಜೆಪಿಯನ್ನು ಅತಿದೊಡ್ಡ ಪಕ್ಷವಾಗಿ ಗುರುತಿಸುವ ಉದ್ದೇಶದಿಂದ ಸದಸ್ಯತ್ವ ಅಭಿಯಾನ ಹಮ್ಮಿಕೊಳ್ಳಲಾಗಿದೆ’ ಎಂದು ಬಿಜೆಪಿಯ ರಾಜ್ಯ ಎಸ್ಸಿ ಮೋರ್ಚಾ ವಕ್ತಾರ ಶರಣಬಸವ ವಕೀಲ ಊಮಲೂಟಿ ಹೇಳಿದರು.

ಇಲ್ಲಿಗೆ ಸಮೀಪದ ಕಲಮಂಗಿ, ಊಮಲೂಟಿ, ಗುಂಜಳ್ಳಿ ಹಾಗೂ ತಿಡಿಗೋಳ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಗ್ರಾಮಗಳಲ್ಲಿ ಮಸ್ಕಿ ಬಿಜೆಪಿ ಮಂಡಲದಿಂದ ಹಮ್ಮಿಕೊಂಡಿದ್ದ ಬಿಜೆಪಿ ಸದಸ್ಯತ್ವ ಅಭಿಯಾನದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.

‘ಬಿಜೆಪಿ ಮುಖಂಡರು, ಕಾರ್ಯಕರ್ತರು ಹಾಗೂ ಜನರು ಸದಸ್ಯತ್ವಕ್ಕೆ ಹೆಸರು ನೋಂದಾಯಿಸಿಕೊಳ್ಳಬೇಕು’ ಎಂದರು.

ಯುವ ಮೋರ್ಚಾದ ಮಂಡಲ ಅಧ್ಯಕ್ಷ ಶರಣೆಗೌಡ ಪೊಲೀಸ್‌ಪಾಟೀಲ ತಿಡಿಗೋಳ,  ಶಿವಪುತ್ರಪ್ಪ ಅರಳಹಳ್ಳಿ, ಶರಣಬಸವ ನಾಗರಬೆಂಚಿ, ವಿಶ್ವನಾಥ, ಸೋಮನಗೌಡ ಕಲಮಂಗಿ, ದೇವರಡ್ಡಿ, ನಾಗರಾಜ ಕುಲಕರ್ಣಿ, ರಮೇಶ ಉದ್ಬಾಳ, ಬಸವರಾಜ ಊಮಲೂಟಿ, ಮುದ್ದರಡ್ಡಿಗೌಡ ಹಾಗೂ ಮುತ್ತಣ್ಣ ಭಾಗವಹಿಸಿದ್ದರು.