ರಾಯಚೂರು ಕೃಷಿ ವಿವಿಗೆ ಕುಲಪತಿಯಾಗಿ ಡಾ.ಕೆ.ಎನ್. ಕಟ್ಟಿಮನಿ ನೇಮಕ

ರಾಯಚೂರು: ಬಾಗಲಕೋಟೆ ತೋಟಗಾರಿಕೆ ವಿಜ್ಞಾನ ವಿಶ್ವವಿದ್ಯಾಲಯದ ಕುಲಸಚಿವ ಡಾ.ಕೆ.ಎನ್. ಕಟ್ಟಿಮನಿ ಅವರನ್ನು ರಾಯಚೂರು ಕೃಷಿ ವಿಶ್ವವಿದ್ಯಾಲಯದ ಕುಲಪತಿಯಾಗಿ ನೇಮಕಗೊಳಿಸಿ ರಾಜ್ಯಪಾಲ ವಾಜುಬಾಯ್ ವಾಲಾ ಅವರು ಆದೇಶ ಹೊರಡಿಸಿದ್ದಾರೆ.

ಅಧಿಕಾರ ಅವಧಿ ನಾಲ್ಕು ವರ್ಷ ಅಥವಾ ವಯೋಮಿತಿ65 ವರ್ಷ ಪೂರ್ಣವಾದರೆ ಮುಕ್ತಾಯವಾಗುತ್ತದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ. ಎಂಟು ತಿಂಗಳಿನಿಂದ ಕುಲಪತಿ ಹುದ್ದೆ ಖಾಲಿಯಾಗಿತ್ತು. ಈ ಅವಧಿಯಲ್ಲಿ ಕುಲಸಚಿವ ಜಂಬುನಾಥ ಗುತ್ತಿ ಆರು ತಿಂಗಳಾವಧಿ ಹಾಗೂ ಡಾ. ಎಸ್‌.ಕೆ. ಮೇಟಿ ಒಂದೂವರೆ ತಿಂಗಳು ಪ್ರಭಾರಿ ಕುಲಸಚಿವರಾಗಿ ಕಾರ್ಯನಿರ್ವಹಿಸಿದ್ದರು. ನೂತನ ಕುಲಪತಿಗಳು ಬುಧವಾರ ಬೆಳಿಗ್ಗೆ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.