ನಟ ಸಲ್ಮಾನ್ ಖಾನ್‌ಗೆ ಬೆದರಿಕೆ; ಬಂಧಿತ ಯುವಕನ ಪಾಲಕರಿಗೆ ಬುಲಾವ್

ಮಾನ್ವಿ: ಬಾಲಿವುಡ್ ನಟ ಸಲ್ಮಾನ್ ಖಾನ್‌ಗೆ ಕೊಲೆ ಬೆದರಿಕೆ ಹಾಕಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂಬೈ ಪೊಲೀಸರ ವಶದಲ್ಲಿರುವ ಪಟ್ಟಣದ ಯುವಕ ಸೊಹೇಲ್ ಪಾಷಾನ ಪಾಲಕರು ಬುಧವಾರ ಮುಂಬೈಗೆ ತೆರಳಿದ್ದಾರೆ.

ಮುಂಬೈ ಪೊಲೀಸರಿಂದ ಕರೆ ಬಂದ ಹಿನ್ನೆಲೆಯಲ್ಲಿ ಆರೋಪಿ ಸೊಹೇಲ್ ಪಾಷಾನ ತಂದೆ ರಸೂಲ್ ಪಾಷಾ ಹಾಗೂ ತಾಯಿ ತೆರಳಿದ್ದಾರೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.

ಆರೋಪಿ ಕುರಿತು ಹೆಚ್ಚಿನ ವಿಚಾರಣೆಗೆ ಮಾಹಿತಿ ಪಡೆಯಲು ಪಾಲಕರನ್ನು ಕರೆಸಿಕೊಳ್ಳಲಾಗಿದೆ ಎಂದು ತಿಳಿದು ಬಂದಿದೆ.

ಮುಂಬೈ ಪೊಲೀಸರಿಂದ ಸೊಹೇಲ್ ಪಾಷಾ ಬಂಧನದ ವಿಚಾರ ಪಟ್ಟಣದಲ್ಲಿ ನಾನಾ ರೀತಿಯ ಚರ್ಚೆಗಳಿಗೆ ಎಡೆ ಮಾಡಿಕೊಟ್ಟಿದೆ.