ರಥಸಪ್ತಮಿ: ಮಂತ್ರಾಲಯದಲ್ಲಿ ಪಂಚ ರಥೋತ್ಸವ

ರಾಯಚೂರು: ಸೂರ್ಯದೇವನ ಜಯಂತಿ ರಥಸಪ್ತಮಿ ದಿನವಾದ ಗುರುವಾರ, ಮಂತ್ರಾಲಯದ ಶ್ರೀರಾಘವೇಂದ್ರ ಸ್ವಾಮಿ ಮಠದಲ್ಲಿ ವಿಶೇಷ ಪೂಜೆ ಹಾಗೂ ಏಕಕಾಲಕ್ಕೆ ಐದು ವಿಧದ ರಥೋತ್ಸವ ನೆರವೇರಿಸಲಾಯಿತು.

ಮಠದ ಪೀಠಾಧಿಪತಿ ಶ್ರೀ ಸುಬುಧೇಂದ್ರ ತೀರ್ಥರು ಪೂಜಾ ವಿಧಿವಿಧಾನಗಳನ್ನು ನೆರವೇರಿಸಿದರು.

ಉತ್ತರಾರ್ಧಗೋಳದಲ್ಲಿರುವ ಸೂರ್ಯನು ಇದೇ ದಿನದಂದು ಜಗತ್ತನ್ನು ಬೆಳಗಲು ಆರಂಭಿಸಿದ ಎನ್ನುವುದು ರಥಸಪ್ತಮಿ ಆಚರಣೆಯಲ್ಲಿರುವ ನಂಬಿಕೆ. ರಥಸಪ್ತಮಿ ಬಳಿಕ ಸೂರ್ಯ ಹೆಚ್ಚು ಪ್ರಕಾಶಮಾನವಾಗಿ ಬೇಸಿಗೆ ಆರಂಭವಾಗುತ್ತದೆ.