ಸಿರವಾರ: ಲಾರಿ-ಕಾರು ಡಿಕ್ಕಿಯಾಗಿ ಸ್ಥಳದಲ್ಲೇ ಮೂವರು ಸಾವು

ಸಿರವಾರ: ಲಾರಿ-ಕಾರು ಡಿಕ್ಕಿಯಾಗಿ ಸ್ಥಳದಲ್ಲೇ ಮೂವರು ಮೃತಪಟ್ಟ ಘಟನೆ ತಾಲ್ಲೂಕಿನ ಕಲ್ಲೂರು ಗ್ರಾಮದ ಸಮೀಪ ರಾಯಚೂರು- ಮಾನ್ವಿ ಹೆದ್ದಾರಿಯಲ್ಲಿ ಸೋಮವಾರ ಸಂಭವಿಸಿದೆ.

ಮಾನ್ವಿ ಪಟ್ಟಣದ ಕೋನಾಪೂರು ಪೇಟೆಯ ನಿವಾಸಿಗಳಾದ ಯಾಸಿನ್ ಖಾನ್(44), ಅರಾಫತ್(31), ಮಕ್ಬೂಲ್ ಪಾಷ(35) ಮೃತರು.

ಯಾಸಿನ್ ಖಾನ್ ಹಾಗೂ ಮಕ್ಬೂಲ್ ಪಾಷ ಮೆಕ್ಯಾನಿಕ್ ಕೆಲಸಗಾರರಾಗಿದ್ದರು. ಹೋಟೆಲ್ ಮಾಲೀಕನಾಗಿದ್ದ ಅರಾಫತ್‌ನ ಸಹೋದರಿಯ ಮದುವೆಯ ಆಹ್ವಾನ ಪತ್ರಿಕೆ ನೀಡಲು ಕಾರಿನಲ್ಲಿ ರಾಯಚೂರಿಗೆ ತೆರಳುತ್ತಿದ್ದರು ಎಂದು ತಿಳಿದುಬಂದಿದೆ.

ಲಾರಿ ಚಾಲಕ ಪರಾರಿಯಾಗಿದ್ದು, ಸಿರವಾರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ತನಿಖೆ ಕೈಗೊಂಡಿದ್ದಾರೆ.

ಈ ಕುರಿತು ಸಿರವಾರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.