ಆರ್‌ಟಿಪಿಎಸ್‌: ನಾಲ್ಕು ವಿದ್ಯುತ್ ಘಟಕಗಳ ಉತ್ಪಾದನೆ ಆರಂಭ

ಶಕ್ತಿನಗರ: ರಾಯಚೂರು ಶಾಖೋತ್ಪನ್ನ ವಿದ್ಯುತ್ ಸ್ಥಾವರದ(ಆರ್‌ಟಿಪಿಎಸ್‌) ನಾಲ್ಕು ವಿದ್ಯುತ್ ಘಟಕಗಳ ಉತ್ಪಾದನೆ ಪುನರ್‌ ಆರಂಭಗೊಂಡಿವೆ.

210 ಮೆಗಾವಾಟ್ ಸಾಮರ್ಥ್ಯದ 3,5,6 ಮತ್ತು 7ನೇ ವಿದ್ಯುತ್ ಘಟಕದ ಉತ್ಪಾದನೆಯನ್ನು ಆರಂಭಿಸಿದ್ದು , ವಿದ್ಯುತ್ ಬೇಡಿಕೆ ಇಲ್ಲದ ಪರಿಣಾಮ, ಸಂಪೂರ್ಣ ವಿದ್ಯುತ್‌ ಘಟಕಗಳ ಉತ್ಪಾದನೆಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿತ್ತು.

ಒಟ್ಟು ಎಂಟು ವಿದ್ಯುತ್ ಘಟಕಗಳಲ್ಲಿ, ನಾಲ್ಕು ವಿದ್ಯುತ್ ಘಟಕಗಳಿಂದ 600 ಮೆಗಾವಾಟ್ ಸಾಮರ್ಥ್ಯದ ಉತ್ಪಾದನೆ ಆಗುತ್ತಿದೆ ಎಂದು ಅಧಿಕಾರಿಗಳು ಹೇಳಿದರು.