ಸಿರವಾರ | ಕಳವು ಪ್ರಕರಣ: ಮೂವರ ಬಂಧನ

ಸಿರವಾರ: ತಾಲ್ಲೂಕಿನ ಅತ್ತನೂರು ಗ್ರಾಮದ ಗಡಾದ ದುರ್ಗಾದೇವಿ ದೇವಸ್ಥಾನದಲ್ಲಿ ನಡೆದಿದ್ದ ಕಳವು ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೂವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

ಬಂಧಿತರಿಂದ 50 ಗ್ರಾಂ ಚಿನ್ನ, 4,330 ಗ್ರಾಂ ಬೆಳ್ಳಿ ಸೇರಿದಂತೆ ₹10.5 ಲಕ್ಷ ಮೌಲ್ಯದ ಆಭರಣಗಳನ್ನು ವಶಕ್ಕೆ ಪಡೆದಿದ್ದಾರೆ.

ಮಾನ್ವಿ ತಾಲ್ಲೂಕಿನ ಕಪಗಲ್ ಗ್ರಾಮದ ಹುಸೇನಿ, ಶರಣಬಸವ, ವೀರಸ್ವಾಮಿ ಬಂಧಿತರು.

2023ರ ನವೆಂಬರ್‌ನಲ್ಲಿ ಅತ್ತನೂರು ಗ್ರಾಮದಲ್ಲಿ ನಡೆದ ಕಳವು ಪ್ರಕರಣ ಸೇರಿದಂತೆ ಇನ್ನುಳಿದ ಕೆಲವು ಪ್ರಕರಣಗಳಿಗೆ ಸಂಬಂಧಿಸಿದಂತೆ ಸಿರವಾರ ಸಿಪಿಐ ಹಾಗು ಪಿಎಸ್ಐ ನೇತೃತ್ವದ ತನಿಖಾ ತಂಡ ಆರೋಪಿಗಳನ್ನು ಬಂಧಿಸಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.