ರಾಯಚೂರು: ಅಕ್ಕಿ ಮೂಟೆ ಉರುಳಿ ಇಬ್ಬರು‌ ಕಾರ್ಮಿಕರು ಸಾವು

ರಾಯಚೂರು: ರಾಶಿಹಾಕಿದ್ದ ಅಕ್ಕಿಮೂಟೆಗಳು ಉರುಳಿದ್ದರಿಂದ ಅದರಡಿಗೆ ಸಿಲುಕಿ ಇಬ್ಬರು ಕಾರ್ಮಿಕರು ಮೃತಪಟ್ಟ ಘಟನೆ ನಗರದ ಮನ್ಸಲಾಪುರ ಮಾರ್ಗದ ಮದರ್ ಡೈರಿ ರೈಸ್ ಮಿಲ್‌ನಲ್ಲಿ ಸೋಮವಾರ ನಡೆದಿದೆ.‌

ಬಿಹಾರ ರಾಜ್ಯದ ಉಪೇಂದ್ರ (40) ಮತ್ತು ನಿತೀಶ್ (25)ಮೃತರಾದವರು. ಶವಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ರಿಮ್ಸ್ ಆಸ್ಪತ್ರೆಗೆ ಸಾಗಿಸಲಾಗಿದೆ. ಸದರ್ ಬಜಾರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.