ಬಾಕ್ಸಿಂಗ್: ರಾಮನಗರ ಸ್ಪರ್ಧಿಗಳಿಗೆ 9 ಪದಕ

ರಾಮನಗರ: ಕರ್ನಾಟಕ ಒಲಂಪಿಕ್ ಸಂಸ್ಥೆಯ ಸಹಯೋಗದಲ್ಲಿ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯು ಬೆಂಗಳೂರಿನ ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ ಇತ್ತೀಚೆಗೆ ಹಮ್ಮಿಕೊಂಡಿದ್ದ ಮಿನಿ ಒಲಂಪಿಕ್ಸ್ ಕ್ರೀಡಾಕೂಟದ ಬಾಕ್ಸಿಂಗ್ ವಿಭಾಗದಲ್ಲಿ ರಾಮನಗರ ಜಿಲ್ಲಾ ಅಮೆಚೂರ್ ಬಾಕ್ಸಿಂಗ್ ಸಂಸ್ಥೆಯ ಕ್ರೀಡಾಪಟುಗಳು 1 ಬೆಳ್ಳಿ ಪದಕ ಹಾಗೂ 8 ಕಂಚಿನ ಪದಕಗಳನ್ನು ಜಯಿಸಿದ್ದಾರೆ.

ನ. 14ರಿಂದ 16ರವರೆಗೆ ನಡೆದಿದ್ದ ಕ್ರೀಡಾಕೂಟದ ಬಾಕ್ಸಿಂಗ್ ವಿಭಾಗದಲ್ಲಿ ಎಂ. ನಿತಿನ್ ಬೆಳ್ಳಿ ಪದಕ ಹಾಗೂ ಕೆ. ಶಿವಪ್ರಸಾದ್, ಎಚ್.ಎನ್. ಪುನೀತ್ ಗೌಡ, ಎಚ್.ಆರ್. ರಾಹುಲ್, ಕೈಲಾಸ್, ಎಸ್. ಕೀರ್ತನ್, ಮೋಹನ್, ಪ್ರಶಾಂತ್, ಯಕ್ಷಿತ್ ಗೌಡ ಕಂಚಿನ ಪದಕಗಳನ್ನು ಗೆಲ್ಲುವ ಮೂಲಕ ಜಿಲ್ಲೆಗೆ ಕೀರ್ತಿ ತಂದಿದ್ದಾರೆ.

ಕ್ರೀಡಾಪಟುಗಳನ್ನು ರಾಮನಗರ ಜಿಲ್ಲಾ ಅಮೆಚೂರ್ ಬಾಕ್ಸಿಂಗ್ ಸಂಸ್ಥೆಯ ಕಾರ್ಯದರ್ಶಿ ಪುಷ್ಪಾವತಿ, ತರಬೇತುದಾರ ಹೊನ್ನಗಂಗಪ್ಪ, ಯು.ಕೆ. ಹಿತೈಷಿ , ಖಜಾಂಚಿ ಸಂತೋಷ್, ತಂಡದ ವ್ಯವಸ್ಥಾಪಕ ಸುರೇಶ್ ಹಾಗೂ ಅಭಿನಂದಿಸಿದ್ದಾರೆ.