ಚನ್ನಪಟ್ಟಣ ಉಪಚುನಾವಣೆ | ಡಿ.ಕೆ. ಸುರೇಶ್ ಗೆಲುವಿಗೆ ಮಾಜಿ ಶಾಸಕನಿಂದ ಚಂಡಿಕಾಯಾಗ

ಚನ್ನಪಟ್ಟಣ (ರಾಮನಗರ): ‘ಚನ್ನಪಟ್ಟಣ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್‌ ಅಭ್ಯರ್ಥಿಯಾಗಿ ಮಾಜಿ ಸಂಸದ ಡಿ.ಕೆ. ಸುರೇಶ್ ಸ್ಪರ್ಧಿಸಲಿದ್ದಾರೆ’ ಎಂದಿರುವ ಕ್ಷೇತ್ರದ ಮಾಜಿ ಶಾಸಕರೂ ಆಗಿರುವ ಕಾಂಗ್ರೆಸ್ ಮುಖಂಡ ಎಂ.ಸಿ. ಅಶ್ವಥ್, ‘ಸುರೇಶ್ ಗೆದ್ದು ಸರ್ಕಾರದಲ್ಲಿ ಸಚಿವರಾಗಲಿ ಎಂದು ನಮ್ಮ ಕುಟುಂಬದಿಂದ ಕೊಲ್ಲೂರಿನ ಮೂಕಾಂಬಿಕೆ ದೇವಸ್ಥಾನದಲ್ಲಿ ಗುರುವಾರ ಚಂಡಿಕಾಯಾಗ ಹಮ್ಮಿಕೊಳ್ಳಲಾಗಿದೆ’ ಎಂದು ಹೇಳಿದ್ದಾರೆ.

ಈ ಕುರಿತು ಬುಧವಾರ ವಿಡಿಯೊ ಹೇಳಿಕೆ ಬಿಡುಗಡೆ ಮಾಡಿರುವ ಅವರು, ‘ಪಕ್ಷದ ಅಭ್ಯರ್ಥಿ ಗೆಲ್ಲಬೇಕು, ನಾಯಕರು ಹಾಗೂ ಮುಖಂಡರಿಗೆ ಒಳ್ಳೆಯದಾಗಬೇಕು. ಪಕ್ಷದ ಚಿಹ್ನೆಗೆ ಗೆಲುವು ತಂದು ಕೊಡಬೇಕು ಎಂದು ಯಾಗ ಮಾಡಿಸುತ್ತಿದ್ದೇವೆ’ ಎಂದು ತಿಳಿಸಿದ್ದಾರೆ.