ಕನಕಪುರ ನಗರದಲ್ಲಿ ಕಾಡಾನೆಗಳು ಪ್ರತ್ಯಕ್ಷ!

ಕನಕಪುರ: ಕಾಡಂಚಿನ ಗ್ರಾಮಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಕಾಡಾನೆಗಳು ಹಿಂಡು ಈಗ ಕನಕಪುರ ಟೌನ್ ಒಳಗೆ ಕಾಣಿಸಿಕೊಂಡು ಸಾರ್ವಜನಿಕರಲ್ಲಿ ಆತಂಕ ಸೃಷ್ಟಿಸಿವೆ.

ನಾಲ್ಕೈದು ಕಾಡಾನೆಗಳ ಹಿಂಡು ಕನಕಪುರ ಪಟ್ಟಣದ ಕುರುಪೇಟೆ ಮತ್ತು ಅರಳಾಳು ಗ್ರಾಮದಲ್ಲಿ ಕಳೆದ ಎರಡು ದಿನಗಳ ಹಿಂದೆ ಪ್ರತ್ಯಕ್ಷವಾಗಿದ್ದವು. ಜಮೀನೊಂದರಲ್ಲಿ ಬೆಳಗಿನ ಜಾವ ಈ ಆನೆಗಳು ಕಾಣಿಸಿಕೊಂಡಿವೆ.

ಪಟ್ಟಣದ ಜನರು ಅವುಗಳನ್ನು ನೋಡಲು ಗುಂಪು ಗುಂಪಾಗಿ ಸೇರಿದ್ದರು. ಆನೆಗಳು ಗುಂಪಾಗಿ ಪಟ್ಟಣ ಪ್ರದೇಶಕ್ಕೆ ಬಂದಿರುವ ಮಾಹಿತಿ ಪಡೆದ ಅರಣ್ಯ ಇಲಾಖೆ ಅಧಿಕಾರಿಗಳು ಕಾಡಿಗೆ ಓಡಿಸುವ ಪ್ರಯತ್ನ ಮಾಡಿದರು.