ಮಾಗಡಿ: ಕೊಟ್ಟಣ ಬೀದಿ ಗ್ರಾಮದೇವತೆ ಅಲಂಕಾರ

ಮಾಗಡಿ: ಪಟ್ಟಣದ ಕೊಟ್ಟಣ ಬೀದಿ ಗ್ರಾಮ ದೇವತೆ ದೇವಸ್ಥಾನದಲ್ಲಿ ಕಾರ್ತಿಕ ಮಾಸದ ಪ್ರಯುಕ್ತ ಮಂಗಳವಾರ ವಿಶೇಷ ಪೂಜಾ ಕಾರ್ಯಕ್ರಮಗಳನ್ನು ಕೈಗೊಳ್ಳಲಾಯಿತು.

ಕೆಪಿಸಿಸಿ ಒಬಿಸಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಪಿ.ವಿ. ಸೀತಾರಾಂ ಮಾತನಾಡಿ, ‘ಗ್ರಾಮದೇವತೆ ಆರಾಧನೆಯಿಂದ ಸುಖ, ಶಾಂತಿ ಮತ್ತು ನೆಮ್ಮದಿ ‌ಸಿಗಲಿದೆ‌. ಅನಾದಿಕಾಲದಿಂದ ಗ್ರಾಮ ದೇವತೆ ಆರಾಧನೆ ಮುಂದುವರಿಸಿಕೊಂಡು ಬರಲಾಗಿದೆ. ಕಾರ್ತಿಕ ಮಾಸದಲ್ಲಿ ವಿಶೇಷವಾಗಿ ದೀಪೋತ್ಸವ ನಡೆಸಲಾಗುತ್ತದೆ’ ಎಂದು ಹೇಳಿದರು. 

ಸೀತಾರಾಂ ಟ್ರಸ್ಟ್ ಅಧ್ಯಕ್ಷ ವೆಂಕಟೇಶ್ ಮಾತನಾಡಿದರು.

ಕಾರ್ತಿಕ ಮಾಸದ ಪ್ರಯುಕ್ತ ದೇವಿಗೆ ವಿಶೇಷ ಹೂವಿನ ಅಲಂಕಾರ ಹಾಗೂ ದೀಪೋತ್ಸವ ಮಾಡಲಾಯಿತು. 

ಕಾರ್ಯಕ್ರಮದಲ್ಲಿ ಪುರಸಭೆ ಮಾಜಿ ಅಧ್ಯಕ್ಷೆ ನಿರ್ಮಲ ಸೀತಾರಾಂ, ನಾಗರಾಜ್, ಈರಣ್ಣ, ಸಿದ್ದಪ್ಪ, ರಮೇಶ್, ಅಪ್ಪಿ, ಸುಧಾಕರ್ ಭಾಗವಹಿಸಿದ್ದರು.