ಬಿಜೆಪಿ–ಜೆಡಿಎಸ್ ಕಾರ್ಯಕರ್ತರ ಪೂರ್ವಭಾವಿ ಸಭೆ

ಕುದೂರು: ಜೆಡಿಎಸ್ ಮತ್ತು ಬಿಜೆಪಿ ಮುಖಂಡರ ಪೂರ್ವಭಾವಿ ಸಭೆಯನ್ನು ಬುಧವಾರ ಕುತ್ತಿನಗೆರೆಯಲ್ಲಿ ಹಮ್ಮಿಕೊಳ್ಳಲಾಗಿತ್ತು.

ಸಭೆಯಲ್ಲಿ ಮಾಜಿ ಶಾಸಕ ಎ.ಮಂಜುನಾಥ್ ಮಾತನಾಡಿ, ಜೆಡಿಎಸ್ ಮತ್ತು ಬಿಜೆಪಿ ಮೈತ್ರಿ ಅಭ್ಯರ್ಥಿ ಡಾ.ಸಿ.ಎನ್ ಮಂಜುನಾಥ್ ಉತ್ತಮ ಅಭ್ಯರ್ಥಿ. ಅವರ ಗೆಲುವು ಸಾಧಿಸಿ ಸಂಸದರಾದರೆ ದೇಶಕ್ಕೆ ಮಾದರಿಯಾಗುತ್ತಾರೆ. ಜೆಡಿಎಸ್ ಮತ್ತು ಬಿಜೆಪಿ ಮುಖಂಡರು ಅವರನ್ನು ಗೆಲ್ಲಿಸುವ ಕೆಲಸ ಮಾಡಬೇಕು. ವಿರೋಧಿಗಳು ಯಾವುದೇ ರೀತಿ ಆಸೆ, ಆಮಿಷವೊಡ್ಡಿದರೂ ಯಾರೂ ಮರುಳಾಗದೆ ಅವರನ್ನು ಹೆಚ್ಚಿನ ಮತಗಳ ಮೂಲಕ ಆಯ್ಕೆ ಮಾಡಬೇಕು ಎಂದರು.

ಬಿಜೆಪಿ ಮುಖಂಡ ಕೆ.ಆರ್ ಪ್ರಸಾದ್ ಗೌಡ ಮಾತನಾಡಿ, ಬಡ ಜನರ ಸೇವೆ ಮಾಡಲು ಮಂಜುನಾಥ್‌ ಅವರಿಗೆ ಅವಕಾಶ ಕಲ್ಪಿಸಬೇಕೆಂದು ಹೇಳಿದರು.

ಕಾಂಗ್ರೆಸ್ ಮುಖಂಡರಾದ ಮರೂರು ಕುಮಾರ್, ಮಲ್ಲಪ್ಪನಹಳ್ಳಿ ರಜನಿ, ಕೆಂಪೇಗೌಡ, ರಂಗಸ್ವಾಮಯ್ಯ, ವೆಂಕಟೇಶ್ ಮತ್ತು ಹಲವು ಮುಖಂಡರು ಕಾಂಗ್ರೆಸ್ ತೊರೆದು ಮಾಜಿ ಶಾಸಕ ಎ.ಮಂಜುನಾಥ್ ಸಮ್ಮುಖದಲ್ಲಿ ಜೆಡಿಎಸ್‌ಗೆ ಸೇರ್ಪಡೆಯಾದರು.

ತಾಲ್ಲೂಕು ಪಂಚಾಯಿತಿ ಮಾಜಿ ಅಧ್ಯಕ್ಷರಾದ ಮರೂರು ವೆಂಕಟೇಶ್, ಕೆ.ಆರ್.ಯತಿರಾಜು, ಮಾಜಿ ಸದಸ್ಯ ಹನುಮೇಗೌಡ, ಕುದೂರು ಪುರುಷೋತ್ತಮ್, ಗ್ರಾಮ ಪಂಚಾಯಿತಿ ಸದಸ್ಯರಾದ ಕೆ.ಟಿ ವೆಂಕಟೇಶ್, ಸಾಗರ್ ಗೌಡ, ಸುಹೇಲ್, ಕಾಗಿಮುಡು ಜಗದೀಶ್, ಪ್ರೇಮಣ್ಣ, ವಿನಯ್, ಮಂಜುನಾಥ್, ಕಣ್ಣೂರು ನಾಗರಾಜ್, ಸಂಪತ್ ಮತ್ತಿತರರು ಇದ್ದರು.